| e-texts navigator |
| Wylie |
276a1 ཅད་ཀྱང་འཇིགས་པ་མ་མཆིས་པ་དང་། སྐྲག་པ་མ་མཆིས་པར་གནས་པར་འགྱུར་བ་དེ་ལྟ་བུར་བཅོམ་ལྡན་འདས་ཀྱི་ས་སྲུང་བ་དང་། བསྐྱབ་པ་དང་། སྦ་བ
276a2 མཛད་དུ་གསོལ། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་རས་ཕྲག་ཟར་ཕྲག་ལས་ཕབ་ནས་ཀླུའི་རྒྱལ་པོ་རྒྱ་མཚོ་ལ་བཀའ་སྩལ་པ། ཀྱེ་ཀླུའི་བདག་པོ། རས་ཕྲག
276a3 ཟར་འདི་ལོངས་ལ། ཀླུའི་རིགས་ཐམས་ཅད་དང་། ཀླུའི་གནས་ཐམས་ཅད་དུ་དུམ་བུ་དུམ་བུར་གཤེག་སྟེ་བྱིན་ཅིག་དང་། ཇི་སྲིད་དུ་རས་ཕྲག་ཟར་འདི་ལས་ཐ་ན་ཉག་མ་གཅིག་ཙམ
276a4 གནས་པ་དེ་སྲིད་དུའང་རྒྱ་མཚོ་ཆེན་པོར་ནམ་མཁའ་ལྡིང་ཐམས་ཅད་རྒྱུ་བར་མི་འགྱུར་རོ། །དེ་ཅིའི་ཕྱིར་ཞེ་ན། ཀླུའི་བདག་པོ། དེ་བཞིན་གཤེགས་པ་ཚུལ་ཁྲིམས་དང་ལྡན་པའི
276a5 མཆོག་གི་ཐུགས་ཀྱིས་སྨོན་པ་ནི། འགྲུབ་པའི་ཕྱིར་རོ། །དེ་ནས་ཀླུའི་རྒྱལ་པོ་དེ་དག་ཐམས་ཅད་རས་ཕྲག་ཟར་འདི་ལྟར་ཆུང་བ་འདི་རྒྱ་མཚོ་ཆེན་པོའི་ཀླུ་ཐམས་ཅད་ཀྱིས་ཇི་ལྟར
276a6 ཐོབ་པར་འགྱུར་སྙམ་སྟེ་ཞུམ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་དེ་རྣམས་ཀྱི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས་ཀླུའི་རྒྱལ་པོ་རྒྱ་མཚོ་ལ
276a7 བཀའ་སྩལ་པ། ཀླུའི་བདག་པོ། གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་གང་ཡིན་པ་དེ་དག་ཐམས་ཅད་ཀྱིས་རས་ཕྲག་ཟར་འདི་ལས་དུམ
iiif viewer powered by OpenSeadragon
