| e-texts navigator |
| Wylie |
273b1 བ་མ་མཆིས་པ་ལགས་སོ། །འཁོར་ལོ་དེ་ནི། བདེན་པ་ལགས་སོ། །འཁོར་ལོ་དེ་ནི། མི་སྐྱེ་མི་འགག་པ་ལགས་སོ། །འཁོར་ལོ་དེ་ནི། སྟོང་པ་ཉིད་དང་། མཚན་མ་མེད་པ་དང་། སྨོན
273b2 པ་མེད་པ་ལགས་སོ། །བཙུན་པ་འོད་སྲུང་ཆེན་པོ། འཁོར་ལོ་དེ་འདྲ་བ་གང་ལགས་པ་དེའི་བསྐོར་བ་ཅི་འདྲ་བ་ཞིག་ལགས། སྨྲས་པ། བུ་མོ། ཁྱོད་ཀྱིས་བསྟན་པ་འདི་འདྲ་བ་ལགས
273b3 ན|་ཁྱོད་ནི། རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །སྨྲས་པ། གང་གི་ཚེ་གནས་བརྟན་བྱང་ཆུབ
273b4 མངོན་པར་རྫོགས་པར་འཚང་རྒྱ་བར་འགྱུར་བ་དེའི་ཚེ་བདག་ཀྱང་མངོན་པར་རྫོགས་པར་འཚང་རྒྱ་བར་འགྱུར་ལགས་སོ། །སྨྲས་པ། ཁོ་བོ་བྱང་ཆུབ་མངོན་པར་རྫོགས་པར་འཚང
273b5 རྒྱ་བར་འགྱུར་བ་དེ་ནི། གནས་མེད་སྐབས་མེད་དེ། སྨྲས་པ། དེ་དེ་ལྟ་ལགས་ཏེ། བྱང་ཆུབ་ནི། གནས་མ་མཆིས་པ་ལ་གནས་པ་སྟེ། དེ་ནི། སུས་ཀྱང་མངོན་པར
273b6 རྫོགས་པར་འཚང་རྒྱ་བར་མི་ནུས་པ་ལགས་སོ། །བུ་མོ་དེས་བསྟན་པ་འདི་བཤད་པ་ན་བྱང་ཆུབ་སེམས་དཔའ་ལྔ་བརྒྱས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །བཅོམ་ལྡན
273b7 འདས་ཀྱིས་ཀྱང་བུ་མོ་དེ་ལ་ལེགས་སོ། །ཞེས་བྱ་བ་བྱིན་ཏེ། བུ་མོ། ལེགས་སོ་ལེགས་སོ། །ཁྱོད་ཀྱིས་ཆོས་བསྟན་པ་འདི་ལེགས་པར་སྨྲས་སོ། །བམ་པོ་དྲུག་པ། དེ་ནས
iiif viewer powered by OpenSeadragon
