| e-texts navigator |
| Wylie |
272b1 སོ|་|དེ་ཅིའི་སླད་དུ་ཞེ་ན། འདི་ལྟར་དེ་བཞིན་གཤེགས་པ་རྣམས་ཀྱི་བྱང་ཆུབ་ནི། བརྗོད་དུ་མ་མཆིས་པ། བསྙད་དུ་མ་མཆིས་པ་ལགས་པའི་སླད་དུའོ། །བཙུན་པ་འོད་སྲུང་ཆེན་པོ། །
272b2 བཤད་པའི་དངོས་པོ་གང་ལགས་བ་དེ་དག་ཐམས་ཅད་ནི། སྒྲས་རྣམ་པར་དབྱེ་བ་ལགས་སོ། །བྱང་ཆུབ་གང་ལགས་པ་དེ་ནི། དོན་དམ་པར་སྒྲས་བརྡ་སྤྲད་པར་མི་ནུས་པ་ལགས
272b3 སོ|་|བཙུན་པ། བྱང་ཆུབ་ཅེས་བགྱི་བ་འདི་ནི། ཉེ་བར་ཞི་བའི་གཞི་ལགས་སོ། །འདི་ནི། ཡི་གེ་མ་མཆིས་པའི་གཞི་ལགས་སོ། །འདི་ནི། ཇི་ལྟ་བ་བཞིན་གྱི་གཞི་ལགས་སོ། །
272b4 འདི་ནི|་གཞི་མ་མཆིས་པའི་གཞི་ལགས་སོ། །སྨྲས་པ། བུ་མོ། གལ་ཏེ་བྱང་ཆུབ་ཀྱི་མཚན་ཉིད་དེ་ལྟ་བུ་ཡིན་ན། དེ་ཇི་ལྟར་མངོན་པར་རྫོགས་པར་འཚང་རྒྱ་བར་འགྱུར། སྨྲས
272b5 པ|་བཙུན་པ་འོད་སྲུང་ཆེན་པོ། ལུས་དང་སེམས་ཀྱིས་མངོན་པར་རྫོགས་པར་འཚང་རྒྱ་བར་མི་འགྱུར་རོ། །དེ་ཅིའི་སླད་དུ་ཞེ་ན། བྱང་ཆུབ་ནི། ལུས་དང་སེམས་ཀྱི་ངོ་བོ་ཉིད་ཁོ་ན
272b6 ལགས་ཏེ། ངོ་བོ་ཉིད་ཀྱིས་ངོ་བོ་ཉིད་མངོན་པར་རྫོགས་པར་འཚང་རྒྱ་བར་མི་འགྱུར་རོ། །སྨྲས་པ། བུ་མོ། ཅི་ཁྱོད་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རམ། སྨྲས
272b7 པ|་བདག་ཉིད་བྱང་ཆུབ་ལགས་ཏེ། བྱང་ཆུབ་ཀྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་མི་འགྱུར་ལགས་སོ། །སྨྲས་པ། བུ་མོ། གལ་ཏེ་ཁྱོད་ཉིད་བྱང་ཆུབ་ཡིན་ན།
iiif viewer powered by OpenSeadragon
