| e-texts navigator |
| Wylie |
272a1 གདགས་སུ་མི་རུང་བ་ལགས་ན། ཅིའི་སླད་དུ་བདག་ལ་ཚོར་བར་མཛད། སྨྲས་པ། བུ་མོ། འོ་ན་སངས་རྒྱས་ཀྱི་ཆོས་གང་ལས་བཙལ་བར་བྱ། སྨྲས་པ།
272a2 ལྟ་བའི་རྣམ་པ་དྲུག་ཅུ་རྩ་གཉིས་ལས་བཙལ་བར་བགྱིའོ། །སྨྲས་པ། ལྟ་བའི་རྣམ་པ་དྲུག་ཅུ་རྩ་གཉིས་ཀྱང་གང་ལས་བཙལ་བར་བྱ། སྨྲས་པ། དེ་བཞིན་གཤེགས་པའི་རྣམ་པར
272a3 གྲོལ་བ་ལས་བཙལ་བར་བགྱིའོ། །སྨྲས་པ། དེ་བཞིན་གཤེགས་པའི་རྣམ་པར་གྲོལ་བ་གང་ལས་བཙལ་བར་བྱ། སྨྲས་པ། མཚམས་མེད་པ་ལྔ་ལས་བཙལ་བར་བགྱིའོ། །
272a4 སྨྲས་པ|་མཚམས་མེད་པ་ལྔའང་གང་ལས་བཙལ་བར་བྱ། སྨྲས་པ། གནས་བརྟན་འོད་སྲུང་ཆེན་པོའི་རྣམ་པར་གྲོལ་བའི་ཡེ་ཤེས་མཐོང་བ་ལས་བཙལ་བར་བགྱིའོ། །སྨྲས
272a5 པ|་བུ་མོ། ཁྱོད་ཀྱི་གཏམ་འདི་འདྲ་བ་དེ་ཇི་ལྟ་བུ་ཞིག་།སྨྲས་པ། བཙུན་པ། གཏམ་འདི་ནི། མ་བཅིངས་མ་གྲོལ་བའི་གཏམ་ལགས་སོ། །བླང་དུ་མ་མཆིས་ཤིང་དོར་དུ་མ
272a6 མཆིས་ཏེ། རང་བཞིན་གྱིས་ཡོངས་སུ་དག་པའི་གཏམ་ལགས་སོ། །ཆོས་ཐམས་ཅད་ཐ་དད་པ་མ་མཆིས་པའི་གཏམ་ལགས་སོ། །སྨྲས་པ། བུ་མོ། འདི་ནི། དེ་བཞིན་གཤེགས
272a7 པ་རྣམས་ཀྱི་བྱང་ཆུབ་དང་མཐུན་པ་མ་ཡིན་ནོ། །སྨྲས་པ། བཙུན་པ་འོད་སྲུང་ཆེན་པོ། །དེ་ནི། མེད་དེ། འདི་ནི། དེ་བཞིན་གཤེགས་པ་རྣམས་ཀྱི་བྱང་ཆུབ་དང་མཐུན་པ་མ་ལགས
iiif viewer powered by OpenSeadragon
