| e-texts navigator |
| Wylie |
269b1 མ་ཡིན་ནོ། །ཞེས་གསུངས་པའི་ཕྱིར་རོ། །བཙུན་པ་འོད་སྲུང་ཆེན་པོ། དེ་ཅིའི་སླད་དུ་ཞེ་ན། མིག་ནི། སྟོང་པ་སྟེ། སྟོང་པ་གང་ལགས་པ་དེ་ལ་ནི། བུད་མེད་ཀྱང་མ་མཆིས། སྐྱེས
269b2 པའང་མ་མཆིས་པའི་སླད་དུའོ། །བཙུན་པ་འོད་སྲུང་ཆེན་པོ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི། སྟོང་པ་སྟེ། སྟོང་པ་གང་ལགས་པ་དེ་ལ་ནི། བུད་མེད
269b3 ཀྱང་མ་མཆིས། སྐྱེས་པའང་མ་མཆིས་པའི་སླད་དུའོ། །བཙུན་པ། དེ་ལ་མིག་ཁོང་དུ་ཆུད་པ་གང་ལགས་པ་དེ་ནི། བྱང་ཆུབ་ལགས་སོ། །རྣ་བ་དང་། སྣ་དང་། ལྕེ་དང་། ལུས
269b4 དང་། ཡིད་ཁོང་དུ་ཆུད་པ་གང་ལགས་པ་དེ་ནི། བྱང་ཆུབ་ལགས་སོ། །བྱང་ཆུབ་གང་ལགས་པ་དེ་ལ་ནི། བུད་མེད་ཀྱི་ཆོས་རྣམས་སམ། སྐྱེས་པའི་ཆོས་རྣམས་མ་མཆིས་སོ། །
269b5 བཙུན་པ་འོད་སྲུང་ཆེན་པོ། དེ་ལྟ་བས་ན། བྱང་ཆུབ་ཀྱི་ངོ་བོ་ཉིད་གང་ལགས་པ་དེ་ནི། བདག་གི་ངོ་བོ་ཉིད་ཀྱང་དེ་ལགས་སོ། །སྨྲས་པ། བུ་མོ། ཅི་ཁྱོད་བྱང་ཆུབ་ཡིན་ནམ།
269b6 སྨྲས་པ། གནས་བརྟན་དང་། བདག་ཅག་གཉིས་ཀའང་བྱང་ཆུབ་ལགས་སོ། །སྨྲས་པ། བུ་མོ། ཁོ་བོ་ནི། བྱང་ཆུབ་མ་ཡིན་གྱི། ཁོ་བོ་ནི། ཉན་ཐོས་ཡིན་ནོ། །སྨྲས་པ།
269b7 བཙུན་པ་འོད་སྲུང་ཆེན་པོ། ཁྱོད་སུས་བཏུལ། སྨྲས་པ། བུ་མོ། ཁོ་བོ་ནི། དེ་བཞིན་གཤེགས་པས་བཏུལ་ཏོ། །སྨྲས་པ། གནས་བརྟན། གལ་ཏེ་དེ་བཞིན་གཤེགས་པས
iiif viewer powered by OpenSeadragon
