| e-texts navigator |
| Wylie |
268a1 ཀྱི་སྙིང་རྗེ་ཆེན་པོ་དང་། བྱང་ཆུབ་སེམས་དཔའ་རྣམས་ཀྱི་མོས་པའི་སྟོབས་ལ་ལྟོས། གང་ཆོས་འདི་ལྟ་བུ་དག་མིང་དང་བརྡས་རྣམ་པར་ཕྱེ་ནས་སེམས
268a2 ཅན་དག་ལ་གོ་པར་བྱེད་ལ་སེམས་ཅན་ལ་མ་གཏོགས་པའི་ཆོས་རྣམས་ཀྱང་མ་མཐོང་། ཆོས་ལ་མ་གཏོགས་པའི་སེམས་ཅན་རྣམས་ཀྱང་མ་མཐོང་ངོ་། །སེམས་ཅན་རྣམས
268a3 ཇི་ལྟ་བ་བཞིན་དུ་ཆོས་རྣམས་ཀྱང་དེ་དང་འདྲའོ། །བྱང་ཆུབ་ཀྱང་དེ་དང་འདྲའོ། །སངས་རྒྱས་ཀྱང་དེ་དང་འདྲའོ། །ལུང་བསྟན་པའང་དེ་དང་འདྲའོ། །ཆོས་ཐམས་ཅད་ཀྱི་དབྱིངས
268a4 ཀྱང་དེ་དང་འདྲ་སྟེ། དེས་ན། དེ་བཞིན་གཤེགས་པ་ཞེས་བྱའོ། །དེ་བཞིན་ཉིད་རྟོགས་པའི་དོན་དང་། དེ་བཞིན་ཉིད་ལ་གནས་པའི་དོན་གྱིས་ན། དེ་བཞིན་ཉིད་དོ། །དེ་བཞིན
268a5 ཉིད་མ་བསྒྲིབས་པའི་དོན་དང་། དེ་བཞིན་ཉིད་དབྱེར་མེད་པའི་དོན་དང་། དེ་བཞིན་ཉིད་ཁོང་དུ་ཆུད་པའི་དོན་དེས་ན། དེ་བཞིན་གཤེགས་པ་ཞེས་བྱའོ། །ཇི་ལྟར་དེ་བཞི་ན་གཤེགས
268a6 པ་དང་། དེ་བཞིན་ཉིད་མཚུངས་པར་རབ་ཏུ་ཕྱེ་བ་དེ་བཞིན་དུ་ཆོས་ཐམས་ཅད་ཀྱང་དེ་བཞིན་ཉིད་དང་མཚུངས་པར་རབ་ཏུ་ཕྱེ་བ་ཡིན་ཏེ། ཀླུའི་བདག་པོ། འདི་ནི། དེ་བཞིན
268a7 གཤེགས་པའི་མཉམ་པ་ཉིད་ཀྱིས་ཡིན་ཏེ། བྱང་ཆུབ་སེམས་དཔའ་རྣམས་དེ་ལ་གནས་ན། མི་སྐྲག་མི་ད་དང་ཞིང་དངང་བར་མི་འགྱུར་ལ། དེ་བཞིན་གཤེགས་པའི་ས
iiif viewer powered by OpenSeadragon
