| e-texts navigator |
| Wylie |
267a1 པ་སྟེ|་རྒྱུ་དང་རྐྱེན་རྣམས་ལས་འབྱུང་བའི་ཕྱིར་རོ། །ཆོས་ཐམས་ཅད་ནི། གཟུང་དུ་མེད་པ་སྟེ། ངོ་བོ་ཉིད་མེད་པའི་མཚན་ཉིད་ཡིན་པའི་ཕྱིར་རོ། །ཆོས
267a2 ཐམས་ཅད་ནི། ངོ་བོ་ཉིད་མེད་པ་སྟེ། བྲལ་བ་མེད་པའི་མཚན་ཉིད་ཡིན་པའི་ཕྱིར་རོ། །ཆོས་ཐམས་ཅད་ནི། མ་འོངས་པ་སྟེ། སྔོན་གྱི་མཐའ་ནས་མ་འཕྲོས་པའི་ཕྱིར་རོ། །ཆོས
267a3 ཐམས་ཅད་ནི། མེད་པར་གྱུར་པ་སྟེ། ཕྱི་མའི་མཐར་མི་འབྱུང་བའི་ཕྱིར་རོ། །ཆོས་ཐམས་ཅད་ནི། མི་གནས་པ་སྟེ། གནས་མི་དམིགས་པའི་ཕྱིར་རོ། །ཆོས་ཐམས་ཅད་ནི། མི
267a4 དམིགས་པ་སྟེ། བྱེད་པ་མེད་པའི་ཕྱིར་རོ། །ཆོས་ཐམས་ཅད་ནི། བྱེད་པ་མེད་པ་སྟེ། ལུས་མེད་པའི་ཕྱིར་རོ། །ཆོས་ཐམས་ཅད་ནི། ལུས་མེད་པ་སྟེ། གནས་མེད་པའི་ཕྱིར་རོ། །ཆོས
267a5 ཐམས་ཅད་ནི། གནས་མེད་པ་སྟེ། རྟེན་མེད་པའི་ཕྱིར་རོ། །ཆོས་ཐམས་ཅད་ནི། རྟེན་མེད་པ་སྟེ། མི་གཡོ་བའི་ཕྱིར་རོ། །ཆོས་ཐམས་ཅད་ནི། མི་གཡོ་བ་སྟེ། མི་གནས་པའི་ཕྱིར
267a6 རོ|་|ཆོས་ཐམས་ཅད་ནི། མི་གནས་པ་སྟེ། བེམ་པོ་ཡིན་པའི་ཕྱིར་རོ། །ཆོས་ཐམས་ཅད་ནི། བེམ་པོ་ཡིན་ཏེ། ངོ་བོ་ཉིད་མེད་པའི་ཕྱིར་རོ། །ཆོས་ཐམས་ཅད་ནི། ངོ་བོ་ཉིད་མེད་པ
267a7 སྟེ|་རྣམ་པར་རིག་པར་མི་བྱེད་པའི་ཕྱིར་རོ། །ཆོས་ཐམས་ཅད་ནི། རྣམ་པར་རིག་པར་མི་བྱེད་པ་སྟེ། སྒྲོ་བཏགས་པ་མེད་པའི་ཕྱིར་རོ། །ཆོས་ཐམས་ཅད་ནི། སྒྲོ་བཏགས་པ་མེད
iiif viewer powered by OpenSeadragon
