| e-texts navigator |
| Wylie |
266a1 རྒྱ་བ་ནི། གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀླུའི་བདག་པོ། དེ་དེ་བཞིན་ཏེ། ཆོས་ཐམས་ཅད་ནི། བདག་མེད་པ། བྱེད་པ་པོ་མེད
266a2 པ་ཡིན་ཏེ། དེ་ནི་ཆོས་རྣམས་ཀྱི་ཆོས་ཉིད་ཡིན་མོད་ཀྱི། འོན་ཀྱང་བྱིས་པ་སོ་སོའི་སྐྱི་བོ་ཕྱིན་ཅི་ལོག་དང་ལྡན་པ། ངར་འཛིན་པ་དང་། ང་ཡིར་འཛིན་པ་ལ་གནས་པ་རྣམས་སེམས
266a3 ཅན་མེད་པ་དག་ལ་སེམས་ཅན་དུ་འདུ་ཤེས་སྐྱེད་པར་བྱེད་དེ། །དེ་ལ་བྱང་ཆུབ་སེམས་དཔའ་རྣམས་ཀྱིས་སྙིང་རྗེ་ཆེན་པོ་བསྐྱེད་ནས་ཕྱིན་ཅི་ལོག་གི་འདུ་ཤེས་སྤོད་དུ་གཞུག་པ
266a4 དང་|་ངར་འཛིན་པ་དང་། ང་ཡིར་འཛིན་པ་ཡོངས་སུ་ཤེས་པར་བྱ་བའི་ཕྱིར་བྱང་ཆུབ་ཏུ་གོ་ཆ་གྱོན་པར་ཟད་ཀྱི། སྐྱེས་བུ་དམ་པ་དེ་དག་གིས་སེམས་ཅན་མེད་པ་དང་། གང
266a5 ཟག་མེད་པ་མི་ཤེས་པ་ནི། མ་ཡིན་ཏེ། བདག་དང་། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་ཏུ་ལྟ་བའི་སེམས་ཅན་དེ་དག་ཡོངས་སུ་གྲོལ་བར་བྱེད་དོ། །ཀླུའི
266a6 བ་དག་པོ། ཁྱོད་འདི་སྐད་དུ་འདི་ལ་ལུང་བསྟན་ནས་གཤེགས་ཞེས་ཟེར་བ་གང་ཡིན་པ་དེ་ལ་མངོན་སུམ་དུ་ཆོས་ཁོང་དུ་ཆུད་པ་ནི། ལུང་བསྟན་པའོ། །སེམས་ཅན་མེད་པ་དང་། སྲོག
266a7 མེད་པ་དང་། གསོ་བ་མེད་པ་དང་། གང་ཟག་མེད་པ་དེས་སེམས་ངེས་པར་སེམས་པའི་སེམས་དང་ལྡན་པར་ལུང་བསྟན་པའོ། །མ་བྱུང་བ་དང་། མ་སྐྱེས་པ་དང་། རྩ་བ་མེད་པ་དང་། གནས
iiif viewer powered by OpenSeadragon
