| e-texts navigator |
| Wylie |
265a1 འགྲུས་དྲན་པ་ཏིང་འཛིན་ཤེས་རབ་རྣམ་དག་གནས་པ་དང་། །བྱམས་དང་སྙིང་རྗེར་ལྡན་ཞིང་བདེན་པའི་ཆོས་ལ་སྤྱོད་གྱུར་ཅིག་།ཕན་བཞེད་རྒྱལ་བ་གལ་ཏེ
265a2 བདག་ལ་ལུང་སྟོན་མི་མཛད་ཀྱང་། །མི་ཡི་དབང་པོ་བདག་ནི་རང་གིས་རང་ལ་ལུང་ཡང་བསྟན། །བདག་ནི་རང་བྱུང་མི་འགྱུར་སྙམ་དུ་ཡིད་གཉིས་དོགས་མ་མཆིས། །དེ་ལྟར་བདག
265a3 ནི་བསམ་པ་ཐག་པས་བྱང་ཆུབ་ཉིད་སེམས་དེས། །མི་དབང་འཛུམ་པ་མཛད་ནས་ཟླ་བའི་ཏོག་གིས་ཞུས་པ་ནི། །རང་བྱུང་འཛུམ་པ་མཛད་པ་འདི་ནི་ཅི་ལགས་ལུང་བསྟན་གསོལ། །
265a4 གང་གི་ཕྱིར་ན་དས་ནི་དག་པའི་འོད་རྣམས་སྟོན་མཛད་པ། །ཟླ་བའི་ཏོག་ཁྱོད་མཉན་པར་གྱིས་ཞེས་སྟོན་པས་དེ་ལ་གསུངས། །ལྷ་མིན་སྒྲ་གཅན་བདག་ཉིད་ཆེན་པོ་བྱང་ཆུབ་མཆོག
265a5 ལ་ཞུགས། །གཡོག་འཁོར་སུམ་ཁྲི་ཉིས་སྟོད་གང་ལགས་རྣམས་ཀྱང་དེ་བཞིན་ཏེ། །བསྐལ་པ་སྟོང་ཕྲག་བརྒྱར་ནི་བྱང་ཆུབ་སྤྱོད་པ་སྤྱད་ནས་ཀྱང་། །ཐམས་ཅད་རྗེས་སུ་མཐུན་པར
265a6 བྱང་ཆུབ་གཙོ་བོ་ཐོབ་པར་འགྱུར། །རྒྱལ་བ་གངྒཱའི་བྱེ་མ་སྙེད་རྣམས་ལ་ནི་མཆོད་བགྱིས་ཏེ། །དེ་ནས་སེམས་ཅན་ཤིན་ཏུ་མང་པོ་བྱང་ཆུབ་བཀོད་ནས་ཀྱང་། །དེ་ཡི་འོག་ཏུ
265a7 བསྐལ་པ་དགེ་བ་བཀོད་པ་མཛེས་པ་ལ། །བྱང་ཆུབ་རྡུལ་བྲལ་ཞི་བ་མྱ་ངན་མེད་པར་འཚང་ཡང་རྒྱ། །སྒྲ་གཅན་བདག་ཉིད་ཆེན་པོ་འདི་ནི་ཆོས་ཀྱི་རྒྱལ་པོར་འགྱུར། །བརྩོན་འགྲུས
iiif viewer powered by OpenSeadragon
