| e-texts navigator |
| Wylie |
254a1 ཀྱིས་བཅོམ་ལྡན་འདས་མདུན་ན་བཞུགས་པར་མཐོང་བར་གྱུར་ཏེ། བདེ་བ་དང་། དགའ་བ་དང་། མཆོག་ཏུ་དགའ་བ་སྐྱེས་ནས་ཆོས་མཉན་པ་ལ་ཁྲོད་ཅིང
254a2 གུས་པ་དང་བཅས་པས་ཐལ་མོ་སྦྱར་ཏེ་བཅོམ་ལྡན་འདས་ལ་འདུད་ཅིང་འཁོད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རྒྱ་མཚོ་ལ་བཀའ་སྩལ་པ། ཀླུའི་བདག
254a3 པོ|་འཇིག་རྟེན་གནས་པ་འདི་ནི། ལས་སྣ་ཚོགས་ཀྱིས་བསྐྱོད་ནས་སེམས་ཀྱི་དམིགས་པ་སྣ་ཚོགས་ཀྱི་ལས་རྣམ་པ་སྣ་ཚོགས་མངོན་པར་འདུ་བྱ་བ་མངོན་པར་འདུ་བྱ་བ་མངོན་པར་འདུ་བྱེད་དེ། དེའི་འགྲོ་བའང
254a4 སྣ་ཚོགས་སུ་གྱུར་ཏོ། །ཀླུའི་བདག་པོ། རྒྱ་མཚོ་ཆེན་པོ་འདི་ན་གཟུགས་རྣམ་པ་སྣ་ཚོགས་ཇི་སྙེད་ཡོད་པ་དང་། ཐ་མལ་པ་ཇི་སྙེད་སྣང་བ་ལ་ལྟོས། ཀླུའི་བདག་པོ། འདི་དག་ཐམས་ཅད
254a5 ནི|་རང་གི་སེམས་དང་། དགེ་བ་དང་། མི་དགེ་བའི་རྩ་བའི་ལུས་དང་། ངག་དང་། ཡིད་ཀྱི་ལས་སྣ་ཚོགས་ཀྱིས་སྣ་ཚོགས་སུ་བྱས་པ་དག་གོ་།སེམས་ནི། གཟུགས་མེད་པ། བསྟན་དུ
254a6 མེད་པ་སྟེ། ཀླུའི་བདག་པོ། དེ་ལྟར་ན། ཆོས་ཐམས་ཅད་ནི། བཅོས་མ་རྣམ་པར་བསྒྲུབས་པས་ཉེ་བར་གནས་པའི་མཚན་ཉིད་དེ། བདག་པོ་མེད་པ། བདག་གི་མེད་པ། ཡོངས
254a7 སུ་འཛིན་པ་མེད་པའོ། །དེ་དག་ནི། ལས་ཇི་ལྟར་བསགས་པ་བཞིན་དུ་བསྒྲུབས་པ་སྣ་ཚོགས་སུ་བྱས་པ་དག་སྟེ། འདི་ལ་བྱེད་པ་པོ་གང་ཡང་མེད་དོ། །དེ་ལྟར་ན། ཆོས་འདི་དག་ནི།
iiif viewer powered by OpenSeadragon
