| e-texts navigator |
| Wylie |
248a1 རྣམས་བསོད་ནམས་ཞིང་ཆེན་བཅོམ་ལྡན་འདས། །མཆོད་སྦྱིན་དམ་པ་བཞེས་པའི་འོས་ལགས་ཡོན་གྱི་གནས། །བྱམས་ལ་དགྱེས་པ་གདུགས་ཚོད
248a2 བབ་ཀྱི་གཤེགས་སུ་གསོལ། །ལྷུན་པོ་འདྲ་ཞིང་ས་དང་མཚུངས་ལ་སྦྱོར་བ་སྙོམས། །བྱམས་སྡང་མི་མངའ་ནམ་མཁའི་ངོ་བོ་ཉིད་དང་མཚུངས། །མི་ཡི་དབང་པོ་ཁེངས་པ་མི
248a3 མངའ་དམན་མི་མངའ། །སྟོང་དང་རྣམ་པར་ཐར་ལ་དགྱེས་པ་གདུགས་ཚོད་བབ། །ཀུན་མཁྱེན་ཀུན་ལ་མཁས་པ་དུས་དང་ཆོ་ག་མཁྱེན། །ཆོས་རྣམས་དབྱེ་ལ་མཁས་པ
248a4 རྟག་ཏུ་དུལ་བཞིན་སྤྱོད། །སེམས་ཅན་བསམ་པ་རབ་མཁྱེན་དོན་རིག་མཁྱེན་པ་ལྡན། །ཆོས་ཀྱི་ངོ་བོ་ཉིད་མཁྱེན་གདུགས་ཚོད་དུས་ལ་བབ། །དེ་ནས་བཅོམ་ལྡན་འདས་ཀྱིས
248a5 ཀླུའི་རྒྱལ་པོ་རྒྱ་མཚོས་གདུགས་ཚོད་བབ་པ་དེ་ཐུགས་སུ་ཆུད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཀླུའི་རྒྱལ་པོ་རྒྱ་མཚོས་གདུགས་ཚོད་བབ་ཀྱི། ལྷུང
248a6 བཟེད་དང་། ཆོས་གོས་ལོངས་ལ་སེམས་ཅན་ཡོངས་སུ་སྨིན་པར་བྱ་བ་དང་། ཀླུའི་རྒྱལ་པོ་རྒྱ་མཚོའི་གནས་ཡོངས་སུ་ལོངས་སྤྱད་པའི་ཕྱིར་རྒྱ་མཚོ་ཆེན་པོར་འདོང་ངོ་། །དེ
248a7 ནས་བཅོམ་ལྡན་འདས་བྱང་ཆུབ་སེམས་དཔའི་ཚོགས་ཀྱིས་ནི། ཡོངས་སུ་བསྐོར། ཉན་ཐོས་ཀྱི་དགེ་འདུན་གྱིས་མདུན་དུ་བདར། ལྷའི་ཚོགས་ཀྱིས་ནི། ཕྱག་བྱས། ལྷ་མ་ཡིན
iiif viewer powered by OpenSeadragon
