| e-texts navigator |
| Wylie |
247b1 ཏེ་རིའི་རྒྱལ་པོ་རི་རབ་ཀྱི་བང་རིམ་ལ་འཁོད་ནས་བཅོམ་ལྡན་འདས་ལ་གདུགས་ཚོད་བབ་པའི་ཚིགས་སུ་བཅད་པ་འདི་དག་གསོལ་ཏོ། །ཆོས་ཀྱི་དབང་ཕྱུག་ཡེ་ཤེས་རྒྱ་ཆེན་ཁྱེད་བརྙེས་པ།།
247b2 ཡེ་ཤེས་འབྱུང་གནས་མཁའ་འདྲ་ཡེ་ཤེས་མཐའ་ཡས་པ། །འཇིག་རྟེན་འདས་པ་སྤྱན་ཡངས་དག་པའི་སྤྱན་དང་ལྡན། །ཕན་པ་མཛད་པ་གདུགས་ཚོད་བབ་ཀྱི་གཤེགས་སུ་གསོལ། །
247b3 ཚངས་པའི་གསུང་དང་རྣམ་དག་གསུང་ལྡན་དབྱངས་སྙན་པ། །ཀ་ལ་པིངྐའི་རྔ་སྒྲ་བདུད་རྩིའི་དོན་སྟོན་པ། །སྨན་པའི་མཆོག་སྟེ་ཉོན་མོངས་སྣ་ཚོགས་མུན་སེལ་བ། །སེམས་ཅན་རིན་ཆེན་གདུགས
247b4 ཚོད་བབ་ཀྱི་གཤེགས་སུ་གསོལ། །ཞི་ཞིང་རབ་ཞི་ཐུགས་མངའ་རྟག་ཏུ་ཞི་བར་སྤྱོད། །རྒྱལ་བ་གྲོལ་བ་ལྷ་དང་མི་རྣམས་རབ་གྲོལ་མཛད། །ཆུ་བོ་བཞི་ལས་རྒལ་བ་འགྲོ་བ་དགྲོལ་བ་པོ། །ཕ་རོལ
247b5 གཤེགས་པ་བདེ་སྦྱིན་གདུགས་ཚོད་དུས་ལ་བབ། །སྦྱིན་དུལ་ཡང་དག་སྡོམ་དགྱེས་ཚུལ་ཁྲིམས་ཡོངས་སུ་དག་།བཟོད་པའི་སྟོབས་དང་ལྡན་ཞིང་བརྩོན་འགྲུས་ཆེན་པོ་བརྙེས། །བསམ་གཏན་རྣམ
247b6 ཐར་དགྱེས་པ་ཤེས་རབ་ཡོངས་སུ་རྫོགས། །ཞལ་རས་ཟླ་འདྲ་གདུགས་ཚོད་བབ་ཀྱི་གཤེགས་སུ་གསོལ། །ལམ་མཁྱེན་ལམ་ལ་མཁས་ཤིང་ལམ་སྲང་ངན་པ་སྤངས། །བྱང་ཆུབ་ཡན་ལག་དབང་སྟོབས་བདེན
247b7 པ་བཞི་སྟོན་པ། །ཡང་དག་སྤོང་དང་རྫུ་འཕྲུལ་བཞི་དྲན་དང་ལྡན་པ། །ཐམས་ཅད་ཟིལ་མནོན་ཡོན་ཏན་མངའ་བ་གདུགས་ཚོད་བབ། །སུམ་ཅུ་རྩ་གཉིས་མཚན་མངའ་བསོད་ནམས་བརྒྱ་ཡི་ཏོག་།བསོད་ནམས་འཚལ
iiif viewer powered by OpenSeadragon
