| e-texts navigator |
| Wylie |
246b1 གནས་སུ་སྦྱོན་ཅིག། དེ་ནས་ཀླུའི་རྒྱལ་པོ་རྒྱ་མཚོས་ཀླུའི་རྒྱལ་པོ་འཇོག་པོ་དང་། ཁ་དོག་མཐའ་ཡས་དང་། དྲི་མ་མེད་པ་དང་། འོད་ཅན་དང་། རྣམ་པར་རྩེ་དང་། བགོད་པ་དང་། ལག་ན་རྡོ་རྗེ་དང་།
246b2 བརྗོད་བྱ་དང་། ཁ་དོག་ཐམས་ཅད་སྟོན་པ་དང་། ཙནྡན་གྱི་རྣམ་པ་དང་། དེ་ལ་སོགས་པ་ཀླུའི་རྒྱལ་པོ་འབུམ་ཕྲག་དུ་མ་ལ་སྨྲས་པ། གྲོགས་པོ་དག། ཁྱེད་ཅག་ཐམས་ཅད་ཀྱང་དེ་བཞིན
246b3 གཤེགས་པ་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བའི་ཕྱིར་བདག་གི་གནས་སུ་སྦྱོན་ཅིག་།དེ་ནས་ཀླུའི་རྒྱལ་པོ་རྒྱ་མཚོས་གཞོན་ནུ་དཔལ་གྱི་གཟི་བརྗིད་ལ་བསྒོ་བ། བཞིན་བཟང་།
246b4 ཁྱོད་སོང་ལ་ཀླུའི་རྒྱལ་པོ་མ་དྲོས་པའི་རྐང་པ་ལ་མགོ་བོས་ཕྱག་ཚོལ་ལ་ངའི་འཕྲིན་འདི་སྐད་ཅེས་གྱིས་ཤིག་།བདག་གི་ཕའི་མཆིད་ནས་བཅོམ་ལྡན་འདས་ཡང་དག་པར་རྫོགས་པའི་སངས
246b5 རྒྱས་བཤོས་གསོལ་གྱི། རྒྱ་མཚོ་ཆེན་པོར་སྦྱོན་ཅིག་ཅེས་གྱིས་ཤིག་།ལེག་སོ་ཞེས་བྱས་ཏེ་མཉན་ནས་ཇི་སྐད་བསྒོ་བ་བཞིན་དུ་ཀླུའི་རྒྱལ་པོ་རྒྱ་མཚོའི་བུ་དཔལ་གྱི་གཟི་བརྗིད་ཀྱིས་བྱས
246b6 སོ|་|དེ་ནས་ཀླུའི་རྒྱལ་པོ་རྒྱ་མཚོས་ཀླུའི་རྒྱལ་པོ་ཤུགས་དྲག་ལ་སྨྲས་པ། ཤུགས་དྲག། ཁྱོད་སོང་ལ་རི་རབ་ཀྱི་སྟེང་དུ་སོང་སྟེ་ཀླུའི་རྒྱལ་པོ་དགའ་བོ་དང་། ཉེ་དགའ་གཉིས་ཀྱང་བོས་ཤིག། ལྷ
246b7 རྣམས་ཀྱི་དབང་པོ་བརྒྱ་བྱིན་ལའང་དེ་བཞིན་གཤེགས་པ་ལ་མཆོད་པ་དང་། བསྙེན་བཀུར་གྱི། རྒྱ་མཚོ་ཆེན་པོར་བདག་གི་གནས་སུ་སྦྱོན་ཅིག་ཅེས་གྱིས་ཤིག། དེ་ནས་ཀླུའི་རྒྱལ་པོ་རྒྱ་མཚོའི
iiif viewer powered by OpenSeadragon
