| e-texts navigator |
| Wylie |
244b1 བཅད་པ་འདི་དག་གིས་མངོན་པར་བསྟོད་པ། མི་དབང་ཟླ་བ་དྲི་མེད་འོད་ཀྱི་ཞལ། །གཟི་བརྗིད་མཐའ་ཡས་ལྷ་དང་མིས་མཆོད་པ། །མཚུངས་མེད་སྟོབས་ལྡན་མཐའ་ཡས་ཤུགས་མངའ
244b2 བ|་|ཡེ་ཤེས་ཚད་མ་མཆིས་ལ་མགོས་ཕྱག་འཚལ། །ཕན་པར་མཛད་པའི་ཡེ་ཤེས་ཚད་མ་མཆིས། །དེ་བཞིན་ཤེས་རབ་འོད་ཀྱང་བསམ་མི་ཁྱབ། །ཚུལ་ཁྲིམས་དྲི་མེད་རབ་བརྟན་རྣམ
244b3 པར་དག་། མི་དབང་མཁའ་དཀྱིལ་འདྲ་ལ་ཕྱག་འཚལ་ལོ། །བསྐལ་པ་དཔག་ཏུ་མེད་པ་མཐའ་ཡས་པར། །སྤྱོད་པ་སྤྱད་ནས་སངས་རྒྱས་ཡེ་ཤེས་བརྙེས། །དེས་ན་འགྲོ་བའི་སྤྱོད་པ
244b4 རབ་ཏུ་མཁྱེན། །དེ་བཞིན་དེ་དག་དབང་པོ་བསམ་པ་མཁྱེན། །འཇིག་རྟེན་བཅོམ་ལྡན་གཟུགས་དང་མཚུངས་མ་མཆིས། །དེ་ཕྱིར་འགྲོ་བ་བལྟ་བས་ཆོག་མ་འཚལ། །དེ་ཡི་ཉོན་མོངས་སྐྱེ
244b5 བར་མི་འགྱུར་ཞིང་། །དེ་ཚེ་ཉོན་མོངས་ཐམས་ཅད་རབ་ཏུ་ཞི། །ཀ་ལ་པིངྐ་ཁུ་བྱུག་མིའམ་ཅི། །དེ་བཞིན་ཚངས་པའི་སྒྲ་དང་ལྷ་མིན་སྒྲ། །ཕྱོགས་བཅུ་དག་ན་ཡིད་འོང་སྒྲ་དེ་དག་།
244b6 བདེ་གཤེགས་གསུང་གཅིག་གིས་ནི་ཟིལ་གྱིས་མནན། །མཁའ་ལས་ཟླ་བས་ལ་ལྟུང་ཡང་གདའ། །རྒྱ་མཚོ་བསྐམས་ཤིང་རི་རབ་སྙིལ་ཡང་གདའ། །ས་ལ་གནམ་ལྷུང་དུམ་བུ
244b7 བརྒྱར་འགྱུར་གདའ། །རྒྱལ་བའི་བཀའ་ནི་གཞན་དུ་ཡོང་མི་གསུང་། །བདེན་པའི་བརྟུལ་ཞུགས་རབ་འབྲེལ་སྟོན་པས་འདིར། །སངས་རྒྱས་ཡེ་ཤེས་གཙོ་བོས་བདག་ལུང་བསྟན། །
iiif viewer powered by OpenSeadragon
