| e-texts navigator |
| Wylie |
243a1 མཛད་པ། །བཅོམ་ལྡན་གཏན་དུ་བདེ་བ་སྟོན་པ་པོ། །ཅི་ཡི་སླད་དུ་འཛུམ་པ་སྟོན་པར་མཛད། །ཡོན་ཏན་མངའ་བ་བདག་ལ་བཀའ་སྩོལ་ཅིག་།ལྷ་དང
243a2 མི་རྣམས་ཁྲག་ཁྲིག་ཉན་ཅིང་མཆིས། །ཐོས་ནས་ཡིད་ནི་རབ་ཏུ་དགའ་འགྱུར་ཞིང་། །ཐམས་ཅད་མཁྱེན་པའི་དགོངས་པ་བགྱིད་པར་འགྱུར། །དེ་སྐད་ཅེས་གསོལ་པ་དང་།
243a3 བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱོད་ཀྱིས་ཀླུའི་རྒྱལ་པོའི་བུ་དཔལ་གྱི་གཟི་བརྗིད་ངའི་མདུན་དུ
243a4 འདུག་ནས་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་འདི་མཐོང་ངམ། གསོལ་པ། བཅོམ་ལྡན་འདས། མཐོང་ལགས
243a5 སོ|་|བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དཔལ་གྱི་གཟི་བརྗིད་འདི་ནི། བསྐལ་པ་གྲངས་མེད་པ་ཕྲག་བརྒྱད་བརྒྱན་བསྐལ་པ་ཀུན་ཏུ་ལྟ་བ་ལ་འཇིག
243a6 རྟེན་གྱི་ཁམས་ཡོངས་སུ་དག་ཅིང་བརྟན་པར་དེ་བཞིན་གཤེགས་པ་མཐོང་བ་དོན་ཡོད་ཅེས་བྱ་བར་འགྱུར་ཏེ་འཇིག་རྟེན་དུ་འབྱུང་བར་འགྱུར་རོ། །ཀུན་དགའ་བོ། དཔལ་གྱི་གཟི
243a7 བརྗིད་འདི་ནི། བྱང་ཆུབ་སེམས་དཔའི་སྤྱོད་པ་དོན་ཡོད་པ་སྤྱོད་ཅིང་སངས་རྒྱས་བཅོམ་ལྡན་འདས་ཚད་མེད་པ་མཉེས་པར་བྱས་ཏེ་མཆོད་པར་བྱས་ནས་རབ་ཏུ་འབྱུང་སྟེ། ཚངས
iiif viewer powered by OpenSeadragon
