| e-texts navigator |
| Wylie |
241b1 ནི|་མཐོང་བ་དང་། ཐོས་པ་དོན་མཆིས་པ་ལགས་ཏེ། ངོ་མཚར་ལགས་སོ། །འདི་ལྟར་སྨད་དུ་མ་མཆིས་པའི་ལས་ཅན་རྣམས་ཀྱི་སངས་རྒྱས་ལ་དམིགས་པའི་སེམས་གཅིག་ཙམ
241b2 བསྐྱེད་པའང་ཆབ་འཚལ་བར་མི་འགྱུར་ཏེ། དེ་ནི། དེ་དག་གི་ཡོངས་སུ་མྱ་ངན་ལས་འདའ་བའི་བར་དུ་རྒྱུར་འགྱུར་བ་ལགས་སོ། །བཅོམ་ལྡན་འདས། བདག་ཀྱང་བླ་ན་མེད་པ་ཡང
241b3 དག་པར་རྫོགས་པའི་བྱང་ཆུབ་འདི་ལྟ་སྟེ། མཐོང་བ་དང་། ཐོས་པའི་དོན་མཆིས་པར་སེམས་བསྐྱེད་པར་འཚལ་ལོ། །བྱང་ཆུབ་ཀྱི་སྙིང་པོ་ལ་ཐུག་གི་བར་དུ་བདག་གི་བྱང་ཆུབ་སེམས
241b4 དཔའི་སྤྱོད་པ་དོན་མཆིས་པར་གྱུར་ཅིག་། བདག་སེམས་རྨོངས་པར་མ་གྱུར་ཅིག་།དགེ་བ་ལ་རྨོངས་པ་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་ལ་རྨོངས་པར་མ་གྱུར་ཅིག་།བདག
241b5 ཚེ་རབས་ཐམས་ཅད་དུ་སངས་རྒྱས་མཐོང་བ་དང་། ཆོས་ཐོས་པ་དང་། འཕགས་པའི་དགེ་འདུན་ལ་བསྙེན་བཀུར་བགྱིད་པ་དང་། སེམས་ཅན་ཡོངས་སུ་སྨིན་པར་བགྱིད་པ་དང་འབྲལ
241b6 བར་མ་གྱུར་ཅིག་། དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རྒྱ་མཚོའི་བུ་དཔལ་གྱི་གཟི་བརྗིད་ལ་ལེགས་སོ། །ཞེས་བྱ་བ་བྱིན་ཏེ། བཞིན་བཟང་། ཁྱོད་ཀྱིས་སེམས་ཅན་ཐམས
241b7 ཅད་ཀྱི་རྟེན་གྱི་སེམས་བསྐྱེད་པ་ལེགས་སོ་ལེགས་སོ། །འདི་ལྟ་བུའི་ལྷག་པའི་བསམ་པ་དང་། འདི་ལྟ་བུའི་སྙིང་རྗེ་ཆེན་པོས་བྱང་ཆུབ་ཏུ་སེམས་བསྐྱེད་པ་འདིའི་དགེ་བའི་རྩ་བའི
iiif viewer powered by OpenSeadragon
