| e-texts navigator |
| Wylie |
236b1 སྦྱོར་བ་ཡིན་ནོ། །ཀླུའི་བདག་པོ། གཞན་ཡང་སྦྱོར་བ་གང་ཡིན་པ་དང་། མི་སྦྱོར་བ་གང་ཡིན་པའི་ཆོས་གང་ཡང་དེ་ལ་སྦྱོར་བའང་མེད། མི་སྦྱོར་བའང་མེད་དོ། །ཅིའི་ཕྱིར་ཞེ་ན། སྦྱོར
236b2 བ་དེ་ནི|་སྣང་བའང་མ་ཡིན། བརྟགས་པའང་མ་ཡིན། མཚན་མར་བྱས་པའང་མ་ཡིན་པའི་ཕྱིར་ཏེ། དེ་བས་ན། སྦྱོར་བ་དེ་ནི། ཡང་དག་པའི་སྦྱོར་བ་ཡིན་ནོ། །ཡང་དག་པའི
236b3 སྦྱོར་བའང་ཆོས་གང་ཡང་འདྲེན་པར་ཡང་མི་བྱེད། མི་འདྲེན་པར་ཡང་མི་བྱེད། འཛིན་པར་ཡང་མི་བྱེད། གཏོང་བར་ཡང་མི་བྱེད། གནས་པར་ཡང་མི་བྱེད། འགྲོ་བར་ཡང་མི་བྱེད
236b4 དེ|་དེ་བས་ན། སྦྱོར་བ་དེ་ནི། ཡང་དག་པའི་སྦྱོར་བ་ཞེས་བྱའོ། །ཀླུའི་བདག་པོ། བྱང་ཆུབ་སེམས་དཔའ་དེ་ལྟར་སྦྱོར་བ་ནི། མི་ཟད་པའི་ཟ་མ་ཏོག་གི་གཟུངས་འདི་ཐོབ་པར
236b5 འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །གང་ཚེ་དེ་ཡིས་གཟུངས་འདི་ཐོབ་གྱུར་ན། །དེ་ཡིས་དྲན་དང་བློ་གྲོས་ཡོངས་སུ་དག་།
236b6 མདོ་སྡེ་རྟོགས་པ་ཀུན་གྱི་ཕ་རོལ་ཕྱིན། །འགྲོ་བའི་སྐད་དང་སྒྲ་ཡང་རབ་ཏུ་ཤེས། །འགྲོ་བའི་སྤྱོད་དང་སེམས་པ་ངན་པ་དང་། །བཟང་དང་འབྲིང་གི་རྒྱུ་བ་གང་ཡིན་ཤེས། །སྤྱོད་དང
236b7 སེམས་ཀྱི་རྒྱུད་རྣམས་ཤེས་ནས་ཀྱང་། །ཇི་ལྟར་འཚམ་པར་ཆོས་ཀྱི་ཚིག་རྣམས་སྟོན། །གང་ཚེ་དེ་ནི་གཟུངས་ལ་རབ་མཁས་ན། །དེ་ནི་རྒྱུ་དང་བྱེད་དང་རྐྱེན་ལ་མཁས། །རྟག་དང
iiif viewer powered by OpenSeadragon
