| e-texts navigator |
| Wylie |
234a1 གཟུངས་འདི་ལ་སྦྱོར་བར་བྱའོ། །ཀླུའི་བདག་པོ་།མི་ཟད་པའི་ཟ་མ་ཏོག་གི་གཟུངས་འདི་ལ་སྦྱོར་བ་གང་ཞེ་ན། གང་ལ་མིག་ཏུ་སྦྱོར་བའང་མེད། གཟུགས་སུ
234a2 སྦྱོར་བའང་མེད། མིག་གི་རྣམ་པར་ཤེས་པར་སྦྱོར་བའང་མེད་པ་དང་། རྣ་བར་སྦྱོར་བའང་མེད། སྒྲར་སྦྱོར་བའང་མེད། རྣ་བའི་རྣམ་པར་ཤེས་པར་སྦྱོར་བའང་མེད་པ་དང་། སྣར་སྦྱོར
234a3 བའང་མེད། དྲིར་སྦྱོར་བའང་མེད། སྣའི་རྣམ་པར་ཤེས་པར་སྦྱོར་བའང་མེད་པ་དང་། ལྕེར་སྦྱོར་བའང་མེད། རོར་སྦྱོར་བའང་མེད། ལྕེའི་རྣམ་པར་ཤེས་པར་སྦྱོར་བའང་མེད་པ་དང་།
234a4 ལུས་སུ་སྦྱོར་བའང་མེད། རེག་བྱར་སྦྱོར་བའང་མེད། ལུས་ཀྱི་རྣམ་པར་ཤེས་པར་སྦྱོར་བའང་མེད་པ་དང་། ཡིད་དུ་སྦྱོར་བའང་མེད། ཆོས་སུ་སྦྱོར་བའང་མེད། ཡིད་ཀྱི་རྣམ་པར
234a5 ཤེས་པར་སྦྱོར་བའང་མེད་པ་དེ་ནི། གཟུངས་འདི་ལ་སྦྱོར་བ་ཡིན་ནོ། །ཀླུའི་བདག་པོ། གཞན་ཡང་གང་ལ་གཟུགས་སུ་སྦྱོར་བའང་མེད། གཟུགས་སྐྱེ་བར་སྦྱོར་བའང་མེད། གཟུགས
234a6 གནས་པར་སྦྱོར་བའང་མེད། གཟུགས་འགག་པར་སྦྱོར་བའང་མེད་པ་དེ་ནི། གཟུངས་འདི་ལ་སྦྱོར་བ་ཡིན་ནོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས
234a7 པར་སྦྱོར་བའང་མེད། རྣམ་པར་ཤེས་པ་སྐྱེ་བར་སྦྱོར་བའང་མེད། རྣམ་པར་ཤེས་པ་གནས་པར་སྦྱོར་བའང་མེད། རྣམ་པར་ཤེས་པ་འགག་པར་སྦྱོར་བའང་མེད་པ་དེ་ནི། གཟུངས
iiif viewer powered by OpenSeadragon
