| e-texts navigator |
| Wylie |
227b1 མ་མེད་པ་ཞེས་བྱ་བ་དང་། དྲི་མ་མེད་པའི་འོད་ཅེས་བྱ་བ་དང་། དག་པ་ཞེས་བྱ་བ་དང་། དགའ་ལྡན་མ་ཞེས་བྱ་བའོ། །དེའི་བུའང་བརྒྱད་ཁྲི་བཞི་སྟོང་ཡོད་དེ། ཚན་པོ་ཆེའི་སྟོབས་དང་ལྡན
227b2 པ|་མཚན་ཉི་ཤུ་རྩ་བརྒྱད་ཀྱི་གཟུགས་དང་ལྡན་པ། ཐེག་པ་ཆེན་པོ་ལ་ཞུགས་པ་ཤ་སྟག་གོ་།ཀླུའི་བདག་པོ། རྒྱལ་པོ་བསོད་ནམས་མི་ཟད་པ་དེའང་གྲོང་ཁྱེར་ཆེན་པོ་དགའ་འབྱུང
227b3 ཞེས་བྱ་བ་ན་གནས་སོ། །གྲོང་ཁྱེར་ཆེན་པོ་དེའང་ཤར་དང་། ནུབ་དང་། བྱང་དང་། ལྷོའི་ངོས་རེ་རེ་ལ་དཔག་ཚད་དྲུག་ཅུ་རྩ་བཞི་བཞི་ཡོད་པར་གྱུར་ཏོ། །བཅོམ་ལྡན་འདས་དེ་བཞིན་གཤེགས
227b4 པ་ཚངས་པའི་དཔལ་ལྷའི་རྒྱལ་པོའང་གྲོང་ཁྱེར་ཆེན་པོ་དགའ་འབྱུང་དེ་ཉིད་དུ་སྐུ་བལྟམས་སོ། །གྲོང་ཁྱེར་ཆེན་པོ་དེའི་ནང་དུ་རྒྱལ་པོ་བསོད་ནམས་མི་ཟད་པའི་ཕོ་བྲང་རིན་པོ་ཆེ་སྣ་བདུན
227b5 གྱིས་བྱས་པར་གྱུར་ཏོ། །གྲོང་ཁྱེར་ཆེན་པོ་དེའི་ནང་ན་ལམ་པོ་ཆེ་དང་། སྲང་གི་སྒོ་འབུམ་ཕྲག་བརྒྱད་ཅུ་རྩ་བཞི་ཡོད་པར་གྱུར་ཏོ། །ལམ་པོ་ཆེ་དང་། སྲང་གི་སྒོ་ཐམས་ཅད་ནའང་ཁྱིམ་བྱེ
227b6 བ་འབུམ་ཕྲག་བརྒྱད་ཅུ་རྩ་བཞི་གནས་སོ། །གྲོང་ཁྱེར་ཆེན་པོ་དེའང་ར་བ་རིམ་བདུན་དང་། ལན་ཀན་རིམ་བདུན་དང་། ཏ་ལའི་ཕྲེང་རིམ་བདུན་དང་། དྲིལ་བུ་གཡེར་ཀའི་དྲ་བ་རིམ་བདུན
227b7 གྱིས་བསྐོར་ཏོ། །སྐྱེད་མོས་ཚལ་ཁྲིས་ཀྱང་བསྐོར་ཏོ། །འོབས་བདུན་རིམ་གྱིས་ཀྱང་བསྐོར་ཏེ། འོབས་དེ་དག་ཀྱང་ཡན་ལག་བརྒྱད་དང་ལྡན་པའི་ཆུས་ཡོངས་སུ་གང་ལ། མེ་ཏོག་ཨུཏྤལ་དང་།
iiif viewer powered by OpenSeadragon
