| e-texts navigator |
| Wylie |
223a1 ཀྱི་རྒྱལ་པོ་འཁོར་ལོས་བསྒྱུར་བ་ལྟ་བུར་ཆོས་ཀྱི་རྒྱལ་སྲིད་སྟོན་པའང་ཡིན་ནོ། །ཀླུའི་ཚོགས་རྩེ་བ་ལྟ་བུར་ཆོས་ཀྱི་སྤྲིན་འགྱེད་པའང་ཡིན་ནོ། །ཀླུའི་བདག་པོ
223a2 ཆར་ཆེན་པོ་འབེབས་པ་ལྟ་བུར་ཆོས་ཀྱི་འབྲུག་སྒྲ་མངོན་པར་སྒྲོག་པའང་ཡིན་ནོ། །བརྒྱ་བྱིན་ལྟ་བུར་དུས་སུ་ཆོས་ཀྱི་ཆར་ཆེན་པོ་འབེབས་པའང་ཡིན་ནོ། །དཔའ་བོས་གཞན་གྱིས
223a3 དམག་ལ་བྱ་བ་ལྟ་བུར་མུ་སྟེགས་ཅན་ཐམས་ཅད་སྐྲག་པར་བྱེད་པའང་ཡིན་ནོ། །ཆུའི་རྒྱུན་གྱིས་མེ་ལ་བྱ་བ་ལྟ་བུར་ཉོན་མོངས་པ་ཐམས་ཅད་རབ་ཏུ་ཞི་བར་བྱེད་པའང་ཡིན་ནོ། །རླུང
223a4 གིས་ཕུབ་མ་སྤར་གང་ལ་བྱ་བ་ལྟ་བུར་བདུད་ཐམས་ཅད་ཟིལ་གྱིས་གནོན་པའང་ཡིན་ནོ། །མ་མས་བྱིས་པ་ལ་བྱ་བ་ལྟ་བུར་སེམས་ཅན་ཐམས་ཅད་དང་མཐུན་པར་བྱེད་པའང་ཡིན་ནོ། །
223a5 ས་གཞི་རྫས་རྣམས་ཀྱིས་མི་བསྐྱོད་པ་ལྟ་བུར་བདེ་བ་དང་། སྡུག་བསྔལ་རྣམས་ཀྱིས་མི་བསྐྱོད་པའང་ཡིན་ནོ། །རླུང་གིས་ཤིང་གི་ལོ་མ་རྣམས་ལ་བྱ་བ་ལྟ་བུར་ཕས་ཀྱི་རྒོལ་བ
223a6 ཐམས་ཅད་གཡོ་བར་བྱེད་པའང་ཡིན་ནོ། །རྣམ་ཐོས་ཀྱི་བུ་རིན་པོ་ཆེ་ཐམས་ཅད་འབྱོར་པ་ལྟ་བུར་ཆོས་ཀྱི་ནོར་བུ་མཐུན་པར་སྦྱིན་པའང་ཡིན་ནོ། །འགྲོ་བ་ཐམས་ཅད་ཀྱི་བཀོད་པའི
223a7 སྙིང་པོ་ཞེས་བྱ་བའི་ཡིད་བཞིན་གྱི་ནོར་བུ་རིན་པོ་ཆེ་ལྟ་བུར་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པའང་ཡིན་ཏེ། ཀླུའི་བདག་པོ། དེ་ལྟར་ན། མི་ཟད་པའི
iiif viewer powered by OpenSeadragon
