| e-texts navigator |
| Wylie |
221a1 ཐམས་ཅད་འདྲེན་པའི་ལག་པ་དང་ལྡན་པའོ། །དགེ་བ་བཅུའི་ལས་ཀྱི་ལམ་ལེགས་པར་སྲུང་བའི་སོར་མོ་དང་ལྡན་པའོ། །ངོ་བོ་ཉིད་ཀྱིས་རྣམ་པར་དག
221a2 པའི་ཆོས་ཉིད་མཐོང་བ་དང་། སྒོམ་པའི་སེན་མོ་དང་ལྡན་པའོ། །ཆོས་ཐམས་ཅད་ལ་སོམ་ཉི་མེད་པའི་རྩི་བ་ལོགས་དང་ལྡན་པའོ། །སའི་རིམ་པའི་ཚུལ་ཐོབ་པའི་སྒལ་ཚིགས
221a3 དང་ལྡན་པའོ། །དུས་ལས་མི་འདའ་བར་ཆོས་སྟོན་པའི་སྟོབས་དང་ལྡན་པའོ། །བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་ལ
221a4 ཡོངས་སུ་སྦྱང་བ་ལེགས་པར་བྱས་པའི་ཞི་གནས་དང་། ལྷག་མཐོང་གི་བརླ་དང་ལྡན་པའོ། །ཆོས་ཀྱི་ངེས་པ་ལ་འཇུག་པའི་པུས་མོ་དང་ལྡན་པའོ། །ཆོས་ཇི་ལྟ་བ་བཞིན་དུ་སྟོན
221a5 པའི་རྗེ་ངར་དང་ལྡན་པའོ། །ཆོས་རྟོགས་པས་བསྲུངས་པའི་རྣམ་པའི་དྲན་པ་དང་ལྡན་པའོ། །ཉོན་མོངས་པ་ཐམས་ཅད་ལས་རྣམ་པར་རྒྱལ་བའི་ལོང་བུ་དང་ལྡན་པའོ། །ཕྱོགས
221a6 བཅུར་འགྲོ་པའི་རྐང་པ་དང་ལྡན་པའོ། །བསྟན་པ་མཚམས་འབྱོར་བའི་འགྲོ་ཞིང་འོང་བ་དང་ལྡན་པའོ། །ངོ་ཚ་ཤེས་པ་དང་། ཁྲེལ་ཡོད་པའི་གོས་གྱོན་པའོ། །བྱང་ཆུབ་ཀྱི་ཡན་ལག
221a7 གི་ཆོས་ཀྱི་མེ་ཏོག་ཕྲེང་བས་བརྒྱན་པའོ། །ཤིན་ཏུ་རྣམ་པར་སྤེལ་བའི་ཚིག་གིས་ཆོས་སྟོན་པའོ། །མཐུན་པ་དང་མི་མཐུན་པ་དང་བྲལ་བའོ། །འཆི་འཕོ་དང་། འགྲོ་བ་དང་། སྐྱེ་བའི
iiif viewer powered by OpenSeadragon
