| e-texts navigator |
| Wylie |
219b1 ཡང་མེད་དོ། །དཔེར་ན། ཡི་གེ་རྣམས་ནི། ཆགས་པའང་མེད། སྡང་བའང་མེད། རྨོངས་པའང་མེད་པར་འབྱུང་ལ་ཡི་གེའི་རྣམ་པར་རིག་བྱེད་དེས་ཀྱང་བྱིས་པ་རྣམས་རྗེས་སུ་ཆགས་པའམ།
219b2 ཁོང་ཁྲོ་བའམ། རྨོངས་པར་འགྱུར་བ་དེ་བཞིན་དུ་ཆོས་ཐམས་ཅད་ཀྱང་ཆགས་པ་མེད་དོ། །སྡང་བའང་མེད། རྨོངས་པའང་མེད་པར་ཡོངས་སུ་རྟོག་པ་ལ་མངོན་པར་ཞེན་པས་འདོད་ཆགས་དང་།
219b3 ཞེ་སྡང་དང་། གཏི་མུག་སྐྱེ་བར་འགྱུར་རོ། །དཔེར་ན། ཡི་གེའི་བརྡས་ནི། འབྲས་བུ་ཐོབ་པར་ཡང་བསྟན་ལ་ཡི་གེ་རྣམས་ཀྱིས་ཐོབ་པའང་མེད། མངོན་སུམ་དུ་བྱ་བའང་མེད་པ་དེ་བཞིན་དུ
219b4 ཆོས་རྣམ་པར་གཞག་པས་འབྲས་བུ་ཐོབ་པ་བསྟན་མོད་ཀྱི། འདི་ལ་ཆོས་འགའི་ཐོབ་པའམ། མངོན་སུམ་དུ་བྱ་བའང་མེད་དོ། །དཔེར་ན། ཆོས་གང་ཡང་ཡི་གེ་རྣམས་ཀྱིས་མ་བསྡུས་པ
219b5 མེད་པ་དེ་བཞིན་དུ་ཆོས་གང་ཡང་བྱང་ཆུབ་ཀྱིས་མ་བསྡུས་པ་མེད་དེ། ཀླུའི་བདག་པོ། དེ་ལྟར་ན། མི་ཟད་པའི་ཟ་མ་ཏོག་གི་གཟུངས་ལ་གནས་པའི་བྱང་ཆུབ་སེམས་དཔའ་ནི། ཡི་གེ
219b6 རྣམས་ཁོ་ནས་བྱང་ཆུབ་ཚོལ་བར་བྱེད་དོ། །ཡི་གེ་རྣམས་ཁོ་ནས་བྱང་ཆུབ་སྟོན་པར་བྱེད་དོ། །ཡི་གེ་རྣམས་ཁོ་ནས་བྱང་ཆུབ་གླེང་བར་བྱེད་དོ། །ཡི་གེ་རྣམས་ཁོ་ནས་བྱང་ཆུབ་ལ་རེག་པར
219b7 བྱེད་དོ|་། བམ་པོ་གསུམ་པ། ཀླུའི་བདག་པོ། བྱང་ཆུབ་སེམས་དཔའ་ནི། མི་ཟད་པའི་ཟ་མ་ཏོག་གི་གཟུངས་ཐོབ་པས་སྟོབས་བཅུ་ཐོབ་པར་འགྱུར་རོ། །མི་འཇིགས་པ
iiif viewer powered by OpenSeadragon
