| e-texts navigator |
| Wylie |
219a1 མོངས་པའང་བརྗོད་ལ་ཀུན་ནས་ཉོན་མོངས་པའི་ཆོས་ཀྱིས་ཀྱང་ཀུན་ནས་ཉོན་མོངས་པར་མི་འགྱུར་རོ། །རྣམ་པར་བྱང་བའི་ཆོས་ཀྱང་བརྗོད་ལ་རྣམ་པར་བྱང
219a2 བའི་ཆོས་ཀྱིས་ཀྱང་རྣམ་པར་དག་པར་མི་འགྱུར་ཏེ། ཤིན་ཏུ་རྣམ་པར་དག་པའི་ཕྱིར་རོ། །དཔེར་ན། ཡི་གེ་རྣམས་ནི། གང་ནས་ཀྱང་མ་འཕོས་ལ་གོ་བར་ཡང་བྱེད་པ་དེ་བཞིན་དུ
219a3 ཆོས་ཐམས་ཅད་ཀྱང་གང་ནས་ཀྱང་མ་འཕོས་ལ་གོ་བར་བྱེད་དེ། གཞན་གྱི་སེམས་ཀྱང་རྣམ་པར་དག་པར་བྱེད་དོ། །དཔེར་ན། ཡི་གེ་བརྗོད་པ་རྣམས་ཀྱང་ཕྱོགས་དང་། ཕྱོགས
219a4 མཚམས་སུ་འགྲོ་བ་མེད་ལ། མ་བརྗོད་པ་རྣམས་ཀྱང་ནང་དུ་གསོག་པ་མེད་པ་དེ་བཞིན་དུ་ཆོས་བརྗོད་པའང་། བསྟན་པ་ཐམས་ཅད་ཀྱང་ཕྱོགས་དང་། ཕྱོགས་མཚམས་སུ
219a5 འགྲོ་བ་མེད་ལ། མ་བསྟན་པ་རྣམས་ཀྱང་ནང་དུ་གསོག་པ་མེད་དོ། །དཔེར་ན། ཡི་གེ་རྣམས་ནི། གཟུགས་མེད་ཅིང་བསྟན་དུ་མེད་པར་འབྱུང་བ་དེ་བཞིན་དུ་ཆོས་ཐམས་ཅད་ཀྱང
219a6 གཟུགས་མེད་ཅིང་བསྟན་དུ་མེད་པར་སེམས་ཀྱི་དམིགས་པ་རྣམས་ལས་འབྱུང་ངོ་། །དཔེར་ན། ཡི་གེ་རྣམས་ནི། སྐད་ཅིག་པ་དང་། ཡ་མ་བརླ་དང་། གསོ་བ་དང་། གསོག་ཡིན་ལ།
219a7 དེ་རྣམས་ཀྱི་བྱེད་པ་པོ་འགའ་ཡང་མེད་པ་དེ་བཞིན་དུ་ཆོས་ཐམས་ཅད་ཀྱང་སྐད་ཅིག་པ་དང་། ཡ་མ་བརླ་དང་། གསོ་བ་དང་། གསོག་ཡིན་ལ། དེ་རྣམས་ཀྱི་བྱེད་པ་པོ་འགའ
iiif viewer powered by OpenSeadragon
