| e-texts navigator |
| Wylie |
218b1 ཆོས་ཐམས་ཅད་ཀྱི་སྡུག་བསྔལ་ཡོངས་སུ་ཤེས་པ་སྟོན་ཏོ། །ཆོས་ཐམས་ཅད་ཆོམ་རྐུན་ཡིན་པས་ན། ཆོས་ཐམས་ཅད་གློ་བུར་གྱི་ཉེ་བའི་ཉོན་མོངས་པ་ཉིད་སྟོན་ཏོ། །ཆོས་ཐམས
218b2 ཅད་སྤངས་པ་ཡིན་པས་ན། ཆོས་ཐམས་ཅད་ཀྱི་མངོན་པར་ཞེན་པ་མེད་པ་ཉིད་སྟོན་ཏོ། །ཆོས་ཐམས་ཅད་ད་ཞེས་བྱ་བ་ཡིན་པས་ན། ཆོས་ཐམས་ཅད་ཀྱི་ལམ་ཆད་པ་ཉིད་སྟོན་ཏོ། །ཆོས
218b3 ཐམས་ཅད་དྷ་ཞེས་བྱ་བ་ཡིན་པས་ན། ཆོས་ཐམས་ཅད་ཀྱི་མཐའ་ཡས་པ་དང་། ཡོངས་སུ་ཆད་པ་མེད་པ་ཉིད་སྟོན་ཏོ། །ཀླུའི་བདག་པོ། འདི་ནི། ཡི་གེའི་བརྡ་ལ་འཇུག་པ་ཞེས་བྱ་བ་མི
218b4 ཟད་པའི་ཟ་མ་ཏོག་གི་གཟུངས་ལ་བྱང་ཆུབ་སེམས་དཔས་གཟུངས་ཐོབ་ནས་ཡི་གེ་ཐམས་ཅད་ཀྱི་ངེས་པའི་ཚིག་གི་དགོངས་པ་རྟོགས་པར་འགྱུར་པའོ། །ཀླུའི་བདག་པོ། དཔེར་ན། ཡི
218b5 གེ་རྣམས་མི་ཟད་པ་དེ་བཞིན་དུ་ཆོས་ཐམས་ཅད་ཀྱི་བསྟན་པ་མི་ཟད་དོ། །དཔེར་ན། ཡི་གེ་རྣམས་ནི། ལུས་ལམ་སེམས་གང་ནས་ཀྱང་མི་འབྱུང་བ་དེ་བཞིན་དུ་ཆོས་ཐམས་ཅད་ཀྱང་གང
218b6 ནས་ཀྱང་མི་འབྱུང་སྟེ། ལུས་ལའང་མི་གནས། སེམས་ལའང་མི་གནས་སོ། །དཔེར་ན། ཡི་གེ་རྣམས་ནི། ཀུན་ནས་ཉོན་མོངས་པར་ཡང་མི་འགྱུར་ལ་ཀུན་ནས་ཉོན་མོངས་པར་ཡང
218b7 བརྗོད་དོ། །རྣམ་པར་བྱང་བར་ཡང་མི་འགྱུར་ལ་རྣམ་པར་བྱང་བར་ཡང་བརྗོད་དོ། །དེ་བཞིན་དུ་མི་ཟད་པའི་ཟ་མ་ཏོག་གི་གཟུངས་ཐོབ་པའི་བྱང་ཆུབ་སེམས་དཔའ་རྣམས་ཀྱང་ཀུན་ནས་ཉོན
iiif viewer powered by OpenSeadragon
