| e-texts navigator |
| Wylie |
211b1 བརྗོད་པ་ཐམས་ཅད་བསལ་བའི་ཕྱིར་ཆོས་སྟོན་ཏེ། དེ་བས་ན། སངས་རྒྱས་ཀྱི་གསུང་ནི། བརྗོད་དུ་མེད་དོ། །ཀླུའི་བདག་པོ། ང་ནི། རྣམ་པར་རིག་པར་བྱེད་པ་ལ་མངོན་པར་ཞེན་པར་བྱ་བའི
211b2 ཕྱིར་ཆོས་མི་སྟོན་མོད་ཀྱི། འོན་ཀྱང་རྣམ་པར་རིག་པར་བྱེད་པ་དང་། ཡོངས་སུ་རྟོག་པ་ཐམས་ཅད་ཉེ་བར་ཞི་བར་བྱ་བའི་ཕྱིར་ཆོས་སྟོན་ཏེ། དེ་ལྟ་བས་ན། སངས་རྒྱས་ཀྱི་གསུང་ནི།
211b3 རྣམ་པར་རིག་པར་བྱེད་པ་མ་ཡིན་ནོ། །ཀླུའི་བདག་པོ། ང་ནི། ཆོས་གཟུང་བར་བྱ་བའི་ཕྱིར་དང་། ཆོས་ལ་མངོན་པར་ཞེན་པར་བྱ་བའི་ཕྱིར་དང་། ཆོས་སྤྲོས་པར་བྱ་བའི་ཕྱིར་དང་། ཆོས
211b4 ཡོངས་སུ་བརྟག་པར་བྱ་བའི་ཕྱིར་དང་། ཆོས་བསྐྱེད་པར་བྱ་བའི་ཕྱིར་དང་། ཆོས་དགག་པར་བྱ་བའི་ཕྱིར་དང་། ཆོས་རྣམ་པར་འཇིག་པར་བྱ་བའི་ཕྱིར་དང་། ཆོས་གནས་པར་བྱ་བའི
211b5 ཕྱིར་དང་། ཆོས་དམིགས་པར་བྱ་བའི་ཕྱིར་དང་། ཆོས་རློམ་སེམས་སུ་བྱ་བའི་ཕྱིར་དང་། ཆོས་ཀྱི་ངོ་བོ་ཉིད་ཀྱི་ཕྱིར་དང་། ཆོས་བརྟག་པར་བྱ་བའི་ཕྱིར་དང་། ཆོས་མཚན་མར་བྱ
211b6 བའི་ཕྱིར་དང་། ཆོས་ལ་བསྒྲིམ་པར་བྱ་བའི་ཕྱིར་དང་། ཆོས་འཆད་པར་བྱ་བའི་ཕྱིར་ཆོས་མི་སྟོན་ཏོ། །ཀླུའི་བདག་པོ། ང་ནི། ཆོས་གང་ཡང་སྤང་བར་བྱ་བའམ། འགག་པར་བྱ
211b7 བའི་ཕྱིར་ཆོས་མི་སྟོན་མོད་ཀྱི། འོན་ཀྱང་ང་ནི། ཆོས་ཐམས་ཅད་རང་བཞིན་གྱིས་སྒྲོ་བཏགས་པ་མེད་པའི་ཕྱིར་ཆོས་སྟོན་ཏེ། ཀླུའི་བདག་པོ། དེ་ལྟ་བས་ན། ཆོས་ཐམས་ཅད་རང་བཞིན
iiif viewer powered by OpenSeadragon
