| e-texts navigator |
| Wylie |
209a1 ཀླུའི་བདག་པོ། བྱང་ཆུབ་སེམས་དཔའ་བདག་གི་དོན་དང་། གཞན་གྱི་དོན་ཡོངས་སུ་རྫོགས་པར་བྱེད་འདོད་པ་རྣམས་ཀྱིས་ནི། ཆོས་ཟབ་མོ་རྣམས་ལ་བརྩོན
209a2 པར་བྱའོ། །ཀླུའི་བདག་པོ། བྱང་ཆུབ་སེམས་དཔའ་འཁོར་གྱི་ནང་དུ་འོངས་ལ། འཁོར་གྱི་ནང་དུ་འདུག་ནས་ཟབ་མོའི་གཏམ་གྱི་བར་ཆད་བྱེད་དེ། གཏམ་སྣ་ཚོགས་གླེང་བ་གང
209a3 ཡིན་པ་དེ་ནི། དམ་པའི་ཆོས་ནུབ་པར་བྱ་བའི་ཕྱིར་བརྩོན་པ་ཡིན་ནོ། །དེ་ཅིའི་ཕྱིར་ཞེ་ན། ཛམྦུའི་གླིང་འདིར་ཇི་སྲིད་དུ་ཟབ་མོའི་ཆོས་གྲགས་པ་དེ་སྲིད་དུ་དམ་པའི་ཆོས་ནུབ་པར
209a4 མི་འགྱུར་བའི་ཕྱིར་རོ། །ཀླུའི་བདག་པོ། གཞན་ཡང་མི་ཆོས་འདོད་དེ་ཆོས་ཉན་པ་ནི། ཉུང་ལ། མི་མ་ཡིན་པ་ཆོས་ཉན་པ་ནི། མང་སྟེ། དེར་དམ་པའི་ཆོས་སྨྲ་བ་པོ་གང་གིས་ཟབ
209a5 མོའི་གཏམ་ནི། འཆབ་པར་བྱེད་ལ། གཏམ་སྣ་ཚོགས་ནི། གླེང་བར་བྱེད་ན། དེར་ཟབ་མོ་ལ་མོས་པས་ལྷ་རྣམས་ཡིད་མ་རངས་པར་གྱུར་ཏེ། འདི་སྐད་དུ་རིགས་ཀྱི་བུ་འདི་ནི།
209a6 གང་ཁོ་ན་ལ་འཇིག་རྟེན་པ་ཉོན་མོངས་པ་སྦྱོད་པ་དེ་ཉིད་ཀྱི་འཇིག་རྟེན་པའི་གཏམ་གླེང་ཞིང་འདུག་སྟེ། ཀྱེ་རེ་ངན། འདི་ན་སངས་རྒྱས་ཀྱི་གསུང་མི་གྲག་གོ་།ཞེས་ཚིག་ངན་ཐོན་ནས
209a7 དེ་དག་འཁོར་དེ་དག་ལ་མི་དགའ་སྟེ། འདོང་བར་བྱེད་དོ། །སྨོན་ལམ་གྱི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ལ་ཀླུའི་རྒྱལ་པོ་རྒྱ་མཚོས་འདི་སྐད
iiif viewer powered by OpenSeadragon
