| e-texts navigator |
| Wylie |
206a1 བྱ་བ་བསྟན་པ་ནི། ཆོས་མ་ཡིན་པ་བསྟན་པ་ཡིན་ནོ། །དེ་ཅིའི་ཕྱིར་ཞེ་ན། ཇི་ཙམ་དུ་ཆོས་ཐ་སྙད་དུ་བྱེད་པ་དེ་ཙམ་དུ་ཆོས་མ་ཡིན་པའི་ཕྱིར་རོ། །དེ་ལ་ཆོས་གང
206a2 བརྗོད་པ་དེ་དག་ཐམས་ཅད་ནི། ཆོས་མ་ཡིན་པ་ཁོ་ནའོ། །ཀླུའི་བདག་པོ། ཆོས་ཉིད་དང་། ཆོས་ཀྱི་དབྱིངས་ནི། རང་བཞིན་གྱིས་བརྗོད་པའམ་སྨྲ་བར་མི་ནུས་ཏེ། འདི་ལྟར་ཆོས་ཀྱི
206a3 དབྱིངས་ཀྱི་རང་བཞིན་བརྗོད་དུ་མེད་པ་དང་། ཆོས་ཐམས་ཅད་ཆོས་ཀྱི་དབྱིངས་ཀྱི་རང་བཞིན་ཅན་ཡིན་ཏེ། དེ་ལྟ་བས་ན། ཆོས་ཐམས་ཅད་བརྗོད་པར་མི་ནུས་སོ། །ཀླུའི་བདག་པོ།
206a4 སངས་རྒྱས་ཀྱི་ཆོས་འདི་དག་ནི། རྣམ་གྲངས་འདི་དང་། ཚུལ་འདིས་བསྟན་མོད་ཀྱི། འོན་ཀྱང་སངས་རྒྱས་ཀྱི་ཆོས་དེ་དག་ནི། སྒྲའི་རྣམ་པར་རིག་བྱེད་ཀྱིས་རྣམ་པར་རིག་པར་བྱ
206a5 བ་མ་ཡིན་ནོ། །ཀླུའི་བདག་པོ། སངས་རྒྱས་ཀྱི་ཆོས་རྣམས་ནི། འདུས་བྱས་དང་། འདུས་མ་བྱས་ཀྱི་ཆོས་རྣམས་ཀྱིས་རྣམ་པར་རིག་པར་བྱ་བ་མ་ཡིན། གདགས་པར་བྱ་བ་མ
206a6 ཡིན་ནོ|་|དེ་ཅིའི་ཕྱིར་ཞེ་ན། ཀླུའི་བདག་པོ། འདུས་བྱས་དང་། འདུས་མ་བྱས་ལ་མ་གཏོགས་པར་གང་གཞན་དུ་བགྲང་དུ་རུང་བའི་ཆོས་ཅིའང་མེད་དོ། །གསོལ་པ། བཅོམ
206a7 ལྡན་འདས། འོ་ན་སངས་རྒྱས་ཀྱི་ཆོས་རྣམས་འདུས་མ་བགྱིས་པ་ལགས་སམ། དེ་བཞིན་གཤེགས་པའང་དེ་ལྟ་བུ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ།
iiif viewer powered by OpenSeadragon
