| e-texts navigator |
| Wylie |
202a1 དག་ཀྱང་མི་སྤོང་ལ་སྦྱིན་པའང་སྦྱིན་པར་བྱེད་དེ། སྦྱིན་པ་དེའང་ཉོན་མོངས་པའི་དབང་གིས་སྦྱིན་པར་མི་བྱེད་དོ། །དེས་དེ་ཇི་ལྟ་ཇི་ལྟར་ཡོངས་སུ་འཇལ་བ་དེ་ཁོ་ན
202a2 བཞིན་དུ་ཉོན་མོངས་པ་ཐམས་ཅད་ཡོངས་སུ་གཏོང་བར་བྱེད་དེ། ཉོན་མོངས་པ་ཐམས་ཅད་ཡོངས་སུ་གཏོང་བ་དང་། ལྟ་བའི་རྣམ་པ་ཐམས་ཅད་ཉེ་བར་ཞི་བ་དང་། རྩོད་པ་ཐམས་ཅད
202a3 འདོར་བ་གང་ཡིན་པ་དེ་ནི། གཏོང་བའི་མཆོག་ཡིན་ཏེ། ཀླུའི་བདག་པོ། འདི་ནི། བྱང་ཆུབ་སེམས་དཔའ་ཤེས་རབ་ཀྱི་གནས་ལ་གནས་པའི་སྦྱིན་པ་ཡོངས་སུ་གཏོང་བའོ། །དེ་ལ
202a4 བྱང་ཆུབ་སེམས་དཔའ་ཤེས་རབ་ཀྱི་གནས་ལ་གནས་པའི་ཚུལ་ཁྲིམས་གང་ཞེ་ན། ལུས་དང་། ངག་དང་། སེམས་དབེན་པར་མཐོང་བ་གང་ཡིན་པ་དེ་ནི། ཚུལ་ཁྲིམས་ཡོངས་སུ
202a5 སྲུང་བ་སྟེ། ལུས་དང་། ངག་དང་། སེམས་ལའང་མི་རྟེན། འཇིག་རྟེན་འདི་ལའང་མི་རྟེན། འཇིག་རྟེན་ཕ་རོལ་ལའང་མི་རྟེན། ནང་ལའང་མི་རྟེན། ཕྱི་རོལ་ལའང་མི་རྟེན། ཕུང་པོ
202a6 ལའང་མི་རྟེན། ཁམས་ལའང་མི་རྟེན། སྐྱེ་མཆེད་ལའང་མི་རྟེན། བྱང་ཆུབ་ལའང་མི་རྟེན། མྱ་ངན་ལས་འདས་པ་ལའང་མི་རྟེན། ཆོས་ཐམས་ཅད་ལའང་མི་རྟེན་པར་ཚུལ་ཁྲིམས
202a7 སྲུང་བར་བྱེད་ལ། ཚུལ་ཁྲིམས་དེས་ཀྱང་རློམ་སེམས་སུ་མི་བྱེད་ཅིང་ཤིན་ཏུ་རློམ་སེམས་སུ་མི་བྱེད་པ་འདི་ནི། བྱང་ཆུབ་སེམས་དཔའ་ཤེས་རབ་ཀྱི་གནས་ལ་གནས་པའི་ཚུལ་ཁྲིམས
iiif viewer powered by OpenSeadragon
