| e-texts navigator |
| Wylie |
200b1 པར་རྫོགས་པའི་བྱང་ཆུབ་ཏུ་སེམས་བསྐྱེད་པ་གང་ཡིན་པ་དེ་དག་གི་ངན་སོང་ཐམས་ཅད་ནི། བཀག་པར་གྱུར་ཏོ། །དེ་དག་ལྷ་དང་མིར་སྐྱེ་བའི་སྒོ་རྣམས་ནི། ཕྱེ་བར་གྱུར་ཏོ། །དེ་དག
200b2 ནི|་ཡོངས་སུ་མྱ་ངན་ལས་འདས་ཟིན་པར་རིག་པར་བྱའོ། །ཞེས་བརྗོད་དོ། །དེ་ནས་བཅོམ་ལྡན་འདས་ཀྱིས་ལྷའི་བུ་དེ་དག་ལ་ལེགས་སོ། །ཞེས་བྱ་བ་བྱིན་ཏེ། གྲོགས་པོ་དག་།ལེགས
200b3 སོ་ལེགས་སོ། །ཁྱེད་ཀྱིས་ཆིག་འདི་ལེགས་པར་སྨྲས་སོ། །མདོ་སྡེའི་ཚིག་བསྟན་པ་འདི་ལྟ་བུ་དག་ལ་དགའ་བ་ཐོབ་པའི་སེམས་ཅན་གང་ཡིན་པ་དེ་དག་ནི། སངས་རྒྱས་ཀྱིས་བྱིན
200b4 གྱིས་བརླབས་པ་དང་། ཐེག་པ་ཆེན་པོས་འདུལ་བ་ཡིན་ནོ། །སེམས་ཅན་དེ་དག་ནི། སངས་རྒྱས་ཀྱི་ཡེ་ཤེས་ཀྱིས་ཐུགས་སུ་ཆུད་པ་དང་། ཕྱིར་མི་ལྡོག་པའི་ཕྱག་རྒྱས་བཏབ་པ་ཡིན
200b5 ནོ|་|ཆོས་ཀྱི་རྣམ་གྲངས་འདི་ལ་དགའ་བ་ཐོབ་པ་གང་ཡིན་པའི་སེམས་ཅན་དེ་དག་ནི། དེ་བཞིན་གཤེགས་པའི་ཡེ་ཤེས་འབའ་ཞིག་ལ་ཡང་དག་པར་གཞོལ་བ་མ་གཏོགས་པ་དེ
200b6 དག་འགྲོ་བར་མི་འགྱུར་ན། གང་དག་བསྔགས་པ་ཐོས་ནས་འཇིན་པར་བྱེད་པ་དང་། དེ་བཞིན་ཉིད་དུ་སྒྲུབ་པ་རྣམས་ལྟ་ཅི་སྨོས། ཀླུའི་རྒྱལ་པོ་རྒྱ་མཚོས་ཞུས་པ་ལས། གླེང་གཞིའི
200b7 ལེའུ་སྟེ་དང་པོའོ། ། །།བམ་པོ་གཉིས་པ། དེ་ནས་ཀླུའི་རྒྱལ་པོ་རྒྱ་མཚོས་བཤད་པ་འདི་ཐོས་ནས་ཚིམ་ཞིང་མགུ་ལ་ཡིད་རངས་ཏེ་རབ་ཏུ་དགའ་ཞིང་དགའ་བ་དང་།
iiif viewer powered by OpenSeadragon
