| e-texts navigator |
| Wylie |
197a1 བྱང་ཆུབ་སེམས་དཔའ་སེམས་ཅན་གྱི་སྤྱོད་པ་དང་། བསམ་པ་དང་། ཆོ་ག་ཤེས་པ་ཡིན་ཏེ། བཞི་གང་ཞེ་ན། འཇིག་རྟེན་གྱི་རྗེས་སུ་འཇུག་པའི་ཤེས་པ་དང་།
197a2 སྙོམས་པར་འཇུག་པ་ལ་མཁས་པའི་ཤེས་པ་དང་། ཤེས་པ་དང་། བསམ་པ་ལས་སུ་རུང་བའི་བསམ་པ་དང་། སེམས་ལ་དབང་བྱེད་པའི་ཐབས་ཏེ། ཀླུའི་བདག་པོ། ཆོས་བཞི་པོ
197a3 དེ་དག་དང་ལྡན་ན། བྱང་ཆུབ་སེམས་དཔའ་སེམས་ཅན་གྱི་སྤྱོད་པ་དང་། བསམ་པ་དང་། ཆོ་ག་ཤེས་པ་ཡིན་ནོ། །ཀླུའི་བདག་པོ། ཆོས་ལྔ་དང་ལྡན་ན། བྱང་ཆུབ་སེམས་དཔའ
197a4 སེམས་ཅན་རྣམས་ཡོངས་སུ་སྨིན་པར་བྱེད་པ་ཡིན་ཏེ། ལྔ་གང་ཞེ་ན། བདག་གི་བདེ་བ་ལ་མི་ལྟ་བས་ཡིད་ཡོངས་སུ་མི་སྐྱོ་བ་དང་། བརྩོན་པ་བརྟན་པས་སེམས་ཅན་ལ་བདེ་བ
197a5 སྦྱིན་པ་དང་། སྙིང་རྗེ་ཆེན་པོ་དང་། སེམས་ཅན་རྣམས་ཀྱི་སྤྱོད་པ་ཇི་ལྟ་བ་དེ་ལྟ་བུའི་སྤྱོད་པ་ལ་རྗེས་སུ་འཇུག་པ་དང་། གོང་དུའང་ཡོན་ཏན་ཁྱད་པར་ཅན་ལའང་འགོད་པར་བྱེད་པ་སྟེ།
197a6 ཀླུའི་བདག་པོ། ཆོས་ལྔ་པོ་དེ་དག་དང་ལྡན་ན། བྱང་ཆུབ་སེམས་དཔའ་སེམས་ཅན་ཡོངས་སུ་སྨིན་པར་བྱེད་པ་ཡིན་ནོ། །ཀླུའི་བདག་པོ། ཆོས་དྲུག་དང་ལྡན་ན། བྱང་ཆུབ་སེམས
197a7 དཔའ་འཛིན་པ་དང་། ཀློག་པ་དང་། བརྡ་སྤྲོད་པ་ལ་མཁས་པ་ཡིན་ཏེ། དྲུག་གང་ཞེ་ན། གཟུངས་ཐོབ་པ་དང་། དྲན་པ་དང་། ཤེས་བཞིན་གྱིས་སྒྲུབ་པ་དང་། ཡང་དག་པ་ལ་ཚུལ
iiif viewer powered by OpenSeadragon
