| e-texts navigator |
| Wylie |
277a1 དང་ཅི་འདོད་པ་དྲིས་ཤིག་། དེ་ནས་དགའ་བོ་སྟན་ལས་ལངས་ཏེ་སངས་རྒྱས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ནི། མང་དུ་ཐོས་པས
277a2 བླ་ན་མེད་པའི་བྱང་ཆུབ་མྱུར་དུ་འཐོབ་སྙམ་ན། མདོ་སྡེ་དག་ལས་བཤད་པ་ཐོས་པ་ལྟར་ན་མང་དུ་ཐོས་ཤིང་ཤེས་རབ་རྣོ་བའི་དབང་པོ་དང་ལྡན་པ་ནི། བྱང་ཆུབ་ཐོབ་པ་ཤིན་ཏུ
277a3 དཀའ་སྟེ། བགེགས་བརྒྱད་དུ་སྐྱེའོ། །ཞེས་འབྱུང་ན། བདག་གིས་ཇི་ལྟར་བླ་ན་མེད་པའི་བྱང་ཆུབ་ཐོབ་པར་འགྱུར། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། དགའ
277a4 བོ|་མང་དུ་ཐོས་པ་ལ་སེམས་རྣམ་པ་གཉིས་ཏེ། གང་ཞེ་ན། ཏིང་ངེ་འཛིན་གྱི་སེམས་དང་། འཁྲུལ་པའི་སེམས་སོ། །སེམས་ཏིང་ངེ་འཛིན་ལ་གནས་ན་ནི། མང་དུ་ཐོས་པས་ཀྱང
277a5 གནོད་པ་མེད་དོ། །སེམས་འཁྲུལ་པ་ལ་གནས་ན་ནི། མང་དུ་ཐོས་པས་ཀྱང་ཕན་པ་མེད་དེ། གང་གིས་ཏིང་ངེ་འཛིན་དང་། ཤེས་རབ་དང་ཤིན་ཏུ་ལྡན་ན། མྱུར་དུ་བླ་ན་མེད
277a6 པའི་བྱང་ཆུབ་ཐོབ་པར་འགྱུར་རོ། །དགའ་བོས་གསོལ་པ། བཅོམ་ལྡན་འདས། ཅིའི་སླད་དུ་མདོ་ཀུན་ལས་ཏིང་ངེ་འཛིན་དང་། ཤེས་རབ་ནི། མཆོག་དམ་པའོ། །ཞེས་བསྟོད།
277a7 བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། དགའ་བོ། ཏིང་ངེ་འཛིན་དང་། ཤེས་རབ་ཏུ་ལྡན་པ་ནི། དཔེར་ན། རི་དྭགས་ཀྱི་ནང་ན་སེངྒེ་མཆོག་ཏུ་གྱུར་པ་དང་། སྣང་བ
iiif viewer powered by OpenSeadragon
