| e-texts navigator |
| Wylie |
275b1 ཀྱི་ཡི་གེ་ནོས་ཤིང་གཟུངས་སུ་འཛིན། སངས་རྒྱས་ཀྱིས་གསུངས་པ། ཕོ་དགེ་བ། ཆོས་ཀྱི་ཡི་གེ་འདི་ནོས་ཤིང་གཟུངས་སུ་འཛིན་པའི་མི་དེ་ནི། སེམས་ཐོབ་པ་དང་། སྟོར་བ་མེད་ལ
275b2 རྟག་ཏུ་ཚངས་པར་སྤྱོད་པ་སྤྱད་དེ། འགྲན་ཏོར་བརྗོད་པ་ལའང་རྟག་པར་མི་གཡོ་བའི་སེམས་ལ་དད་དེ། གྲོང་ཁྱིམ་དུ་ཞུགས་པའང་སེམས་རྟག་པར་ཐུབ་པ་ལ་འདུག་གོ་།ཁྱིམ་དུ་འདུག
275b3 ནའང་ཡོད་པ་གསུམ་ལ་མ་ཆགས་པ་དེ་ལྟ་བུའི་ད་ལྟར་གྱི་ཚེའི་དུས་ལ་དཔལ་ཡོན་རྣམ་པ་ལྔ་ཡོད་དེ། གཅིག་ནི། ཕལ་གྱིས་བཙུན་ཞིང་གུས་པའོ། །གཉིས་ནི། ལུས་ཡེ་འདྲོག་ཏུ་མི
275b4 འཆི་བའོ། །གསུམ་ནི། ཡོན་པོ་ཆད་པ་ཡིད་མྱུར་དུ་ལན་ལོན་པའོ། །བཞི་ནི། སེམས་ཅན་བསྒྲལ་བ་ལ་སྲེད་པའོ། །ལྔ་ནི། འཕྲུལ་གྱི་ལམ་དུ་འཇུག་ནུས་པ་སྟེ། དེ་ལྟ་བུའི་མིས་ནི།
275b5 ཆོས་ཀྱི་ཡི་གེ་འདི་ནོས་ཤིང་གཟུངས་སུ་འཛིན་ཏོ། །དགའ་བོས་གསོལ་པ། དེ་ལྟ་བུའི་མིས་ནི། སེམས་ཅན་རྣམས་བསལ་ལ་ཡོན་བླང་དུ་རུང་ངམ་མི་རུང་། སངས་རྒྱས་ཀྱིས
275b6 གསུངས་པ། དེ་ལྟ་བུའི་མིས་ནི། སེམས་ཅན་རྣམས་ཀྱི་ཕྱིར་དཔལ་ཞིང་ཆེན་པོ་བྱས་ནས་རྟག་པར་ཤེས་རབ་ཆེན་པོ་སྤྱད་དེ། དཔལ་གྱི་རང་བཞིན་བདེན་པ་གཉིས་ཀ་གནས། དགེ
275b7 འདུན་གྱི་གཞི་རྟེན་པ་ཡིན་ཏེ། ཡོན་རྣམས་ལ་མགོ་དང་། མིག་དང་། རྐང་པ་དང་། ཀླད་པ་དེ་ཀུན་ཀྱང་བླང་དུ་རུང་ན། གོས་དང་ཁ་ཟས་བླང་དུ་རུང་བ་ལྟ་སྨོས་ཀྱང་ཅི་དགོས། ཕོ་དགེ
iiif viewer powered by OpenSeadragon
