| e-texts navigator |
| Wylie |
273b1 སྙོམས་པའི་བདེན་པ་མ་ཡིན་ནོ། །གཉིས་ནི། ཚོར་བ་ཆེན་པོའི་དྲང་པོའི་ཡེ་ཤེས་ཐོབ་པའི་བདེན་པ་ཡིན་ནོ། །གསུམ་ནི། ཤེས་རབ་དང་མཐུན་པ་དང་། ཐ་དད་པ་སྤྱད་པ་མེད་པའི་ཞུགས
273b2 པའི་བདེན་པ་སྟེ། གོ་བདུན་སྤྱང་བས་ཞུགས་པས་བདེན་པས་མ་ཡིན་ནོ། །བདེན་པ་འདི་གསུམ་སྤྱད་དེ། སངས་རྒྱས་ཀྱི་ལམ་སྤྱད་ན། དེ་ལྟ་བུའི་ཆོས་སུ་ཆུད་དེ་དྲང་པོའི་ཚོར་བ་མི
273b3 ཐོབ་པ་མེད་དོ། །དྲང་པོའི་ཚོར་བའི་ཡེ་ཤེས་ཐོབ་ན། ཤིན་ཏུ་བྱམས་པ་ཆེན་པོར་འབབ་སྟེ། བདག་དང་གཞན་གཉིས་ཀ་ལ་ཕན་པས་སངས་རྒྱས་ཀྱི་བྱང་ཆུབ་གྲུབ་བོ། །བྱང་ཆུབ་སེམས
273b4 དཔའ་སའི་སྙིང་པོས་གསོལ་པ། བཙུན་པ། དེ་ལྟ་བུའི་ཆོས་ལ་རྒྱུ་རྐྱེན་མེད་དོ། །རྐྱེན་ལ་རྐྱེན་མེད་ན། ཆོས་ཀྱི་རྒྱུ་མི་ལྡང་ངོ་། །ཇི་ལྟ་བུར་མི་གཡོ་བའི་ཆོས་ཀྱིས་ཡང་དག་པར་གཤེགས
273b5 པར་ཆུད། དེ་ནས་ཡང་དག་པར་གཤེགས་པས་གཞུང་འདི་དགྲོལ་བར་དགོངས་ཏེ་ཚིགས་སུ་བཅད་པས་བཤད་དོ། །ཆོས་རྣམས་ཀུན་གྱི་མཚན་མ་ནི། །ཆོས་དེའི་ཚེ་ན་གཡོ་བ་མེད།།
273b6 ཆོས་ལ་ཐ་དད་དུས་ཀྱང་མེད། །དེ་ཡི་ཚེ་ན་གཡོ་བ་མེད། །ཆོས་ལ་ཐ་དད་དུས་ཀྱང་མེད། །ཐ་དད་དུས་ལས་མ་ལངས་སོ། །ཆོས་ལ་གཡོ་མེད་མི་གཡོའོ། །ངོ་བོ་སྟོང་པ་མི་གཡོ་ཞིང་།།
273b7 ངོ་བོ་སྟོང་ཞིང་ཞི་བའི་ཚེ། །ཆོས་དེ་དེ་ཡི་ཚེ་ན་བྱུང་། །མཚན་མ་བྲལ་བས་སྟོང་པར་གནས། །སྟོང་པར་གནས་པས་དམིགས་པ་མེད། །རྐྱེན་ལས་ལྡང་བའི་ཆོས་ཀྱི་རྣམས། །ཆོས་དེ
iiif viewer powered by OpenSeadragon
