| e-texts navigator |
| Wylie |
272b1 ཕྱིར་རོ|་། བྱང་ཆུབ་སེམས་དཔའ་སའི་སྙིང་པོས་གསོལ་པ། བཙུན་པ། ཡོད་པ་བཙལ་ན་བདེན་པ་མ་མཆིས་ཏེ། སྨིག་རྒྱུ་དང་། ཆུ་དང་མཚུངས་བདེན་པར་རིག་སྟེ། མེད་པ་མ་ལགས
272b2 ན|་མེའི་རང་བཞིན་དང་མཚུངས་སོ། །དེ་ལྟ་བུར་རྟོག་པ་ནི། མི་མཛངས་པ་ལགས་སོ། །སངས་རྒྱས་ཀྱིས་གསུངས་པ། དེ་ཡིན་ནོ། །ཇི་ལྟར་མི་དེས་ཡང་དག་པ་ལ་བརྟགས་ཏེ་སྟོང་པ
272b3 ཞི་བ་གཅིག་པུའི་མཚན་མ་བརྟགས་ན། མཚན་མ་མེད་པ་དང་མཚུངས་སོ། །སྟོང་པ་སྤྱད་དེ་བླངས་ནས་སྟོང་པ་སྤྱད་པས་ན། སངས་རྒྱས་མཐོང་བ་མ་སྟོར་ཏོ། །སངས་རྒྱས་མཐོང་བ
272b4 སྤྱད་པ་ན་འབབ་པ་གསུམ་དང་བྲལ་ཏེ། ཐེག་པ་ཆེན་པོའི་ཆོས་ཀྱི་ནང་ན་གྲོལ་ཐར་གསུམ་གྱི་ལམ་མདོ་གཅིག་སྟེ། ངོ་བོ་ཉིད་མེད་དོ། །དེའི་ངོ་བོ་ཉིད་མེད་པས་ན། སྟོང་ངོ་། །སྟོང་པས
272b5 ན|་མཚན་མ་མེད་དོ། །མཚན་མ་མེད་པས་ན། བྱ་བ་མེད་དོ། །བྱ་བ་མེད་པས་ན། བཙལ་བ་མེད་དོ། །བཙལ་བ་མེད་པས་ན། སྨོན་ལམ་མེད་དོ། །དེ་ལྟ་བུའི་ལས་སྤྱད་པས་ན།
272b6 སེམས་གཙང་ངོ་། །སེམས་གཙང་བས་ན། སངས་རྒྱས་མཐོང་ངོ་། །སངས་རྒྱས་མཐོང་བས་ན། ཡུལ་གཅང་མར་སྐྱེའོ། །བྱང་ཆུབ་སེམས་དཔའ་དེ་ལྟ་བུའི་ཟབ་མོའི་ཆོས་བསྟན
272b7 བས་གསུམ་འགྲུབ་པར་སྤྱད་དེ་ཤེས་རབ་དང་ཐུབ་པ་གྲུབ་ན། གདོད་ཁམས་གསུམ་ལས་འདས་སོ། །བྱང་ཆུབ་སེམས་དཔའ་སའི་སྙིང་པོས་གསོལ་པ། ཡང་དག་པར་གཤེགས
iiif viewer powered by OpenSeadragon
