| e-texts navigator |
| Wylie |
268b1 སྐྱེ་ཤི་ཞི་བ་མེད། །དེ་ནས་ཡ་རབས་ཚངས་པར་སྤྱོད་པས་ལེའུ་བཤད་པ་ཐོས་ནས་ཡིད་ཤིན་ཏུ་དགའ་སྟེ་གཞུང་འདི་བསླབ་པར་ཚིགས་སུ་བཅད་པ་བཤད་དོ། །ཆོས་རྣམས་སྟོང་པ
268b2 ཕྱི་མོ་ཞི|་|སྟོང་པ་ཞི་བ་སྐྱེ་བ་མེད། །ཆོས་གཞན་སྐྱེས་ཤིང་ཤི་བ་ཡིན། །ཆོས་འདི་སྐྱེ་བ་མེད་པ་མེད། །དེ་དང་འདི་ནི་མི་མཐུན་ཏེ། །ཆད་དང་རྟག་དང་ཡོད་ཕྱིར་རོ། །འདི་ནི་གཉིས
268b3 དང་བྲལ་བ་སྟེ། །ཚིག་གཅིག་ལ་ཡང་མི་འཇུག་གོ་།ཆོས་གཅིག་ཡོད་ཅེས་བཤད་པ་ནི། །དེའི་གཟུགས་སྤུ་ཡི་འཁོར་ལོ་བཞིན། །སྨིག་རྒྱུས་ཆུ་རུ་བསླད་དང་མཚུངས། །སྒྱུ་མ་མི་བདེན
268b4 རྣམ་ཕྱིར་རོ། །ཆོས་ལ་མེད་པར་མཐོང་བ་ནི། །ཆོས་སྟོང་པར་ནི་མཐུན་པ་ཡིན། །དམུས་ལོང་གཉིད་མེད་ལོང་བ་བཞིན། །ཆོས་རྣམས་རུས་སྦལ་སྤུ་དང་མཚུངས། །བདག་ང་སངས་རྒྱས
268b5 བཤད་པ་ཐོས། །ཆོས་ལ་གཉིས་མཐོང་མེད་པར་རིག་།དབུ་མ་ལ་ཡང་མི་ཆགས་སོ། །དེ་ལྟ་བས་ན་ཆགས་བླངས་ཏེ། །ཡང་དག་གཤེགས་པས་ཆོས་བཤད་པ། །ཀུན་ཀྱང་མ་ཆགས
268b6 མེད་ལས་བྱུང་། །བདག་ནི་ཆགས་པ་མེད་གནས་ནས། །ཡང་དག་གཤེགས་ལ་ཕྱག་འཚལ་ལོ། །ཡང་དག་གཤེགས་ལ་གུས་ཕྱག་འཚལ། །ཡེ་ཤེས་མི་གཡོ་སྟོང་པ་བཞིན། །ཆགས
268b7 མེད་པ་ལའང་མི་ཆགས་ཏེ། །ཆགས་མེད་ལུས་ལ་གུས་ཕྱག་འཚལ། །བདག་ནི་གནས་ཀུན་ཐམས་ཅད་ན། །རྟག་པར་ཡང་དག་གཤེགས་རྣམས་མཐོང་། །ཡང་དག་གཤེགས་པ་རྣམས
iiif viewer powered by OpenSeadragon
