| e-texts navigator |
| Wylie |
267a1 ཆེ་ཆུང་ཐ་དད་དོ། །མིང་མཁན་ཐ་དད་དོ། །ཆུ་དེ་གོང་གི་ནང་ན་འདུག་པ་ན། མིང་གོང་གི་ཆུ་ཞེས་བྱའོ། །འོ་ཡི་ནང་ན་འདུག་ན། འོ་ཡི་ཆུ་ཞེས་བྱའོ། །ཧའི་ནང་ན
267a2 འདུག་ན། ཧའི་ཆུ་ཞེས་བྱའོ། །ཀུན་ལྷན་ཅིག་མཚོའི་ནང་ན་འདུག་ན། མིང་མཚོ་ཆུ་ཞེས་བྱའོ། །ཆོས་ཀྱང་དེ་དང་མཚུངས། དེ་ཀུན་ཡང་དག་པའི་མི་གཡོ་བ་ལ་འདུག་སྟེ། མིང
267a3 སངས་རྒྱས་ཀྱི་ལམ་འབའ་ཞིག་གོ་། ཡང་ཡ་རབས། སངས་རྒྱས་ཀྱི་ལམ་གཅིག་པུ་ལ་གནས་ན། སྤྱད་པ་གསུམ་སྤྱད་པ་མ་ཡིན་ནོ། །ཡ་རབས་ཚངས་པར་སྤྱོད་པས་གསོལ
267a4 པ|་ཇི་ལྟ་བུར་ན་སྤྱད་པ་གསུམ་ཞེས་བགྱི། སངས་རྒྱས་ཀྱིས་གསུངས་པ། གཅིག་ནི། དོན་བཞིན་དུ་སྤྱོད་པ་བླངས་པའོ། །གསུམ་ནི། མི་གཡོ་བ་བཞིན་དུ་བླངས་ཏེ་སྤྱོད་པའོ། །
267a5 ཡ་རབས། དེ་ལྟ་བུ་སྤྱོད་པ་གསུམ་གྱིས་སྒོ་མང་པོའི་མདོ་བསྡུས་ཏེ། ཆོས་ཐམས་ཅད་ཀྱི་སྒོ་མོ་འདིར་མི་འཇུག་པ་མེད་དོ། །སྤྱོད་པ་འདིར་ཞུགས་པ་ནི། སྟོང་པའི་མཚན་མ
267a6 མི་སྐྱེའོ|་|དེ་ལྟར་ཞུགས་པ་ནི། ཡང་དག་པར་གཤེགས་པར་ཞུགས་ཞེས་བྱར་རུང་ངོ་། །ཡང་དག་པར་གཤེགས་པར་ཞུགས་པ་ནི། ཞུགས་ཞུགས་ན་མ་ཞུགས་སོ། །ཡ
267a7 རབས་ཚངས་པར་སྤྱོད་པས་གསོལ་པ། བསམ་གྱིས་མི་ཁྱབ་པར་ཡང་དག་པར་གཤེགས་པའི་མཛོད་དུ་འཇུག་པ་ལྗང་བུ་ལས་འབུར་རྙེད་པ་དང་མཚུངས་ཏེ། འཇུག་པའི
iiif viewer powered by OpenSeadragon
