| e-texts navigator |
| Wylie |
266b1 གྱིས་མི་ཁྱབ་པ་ནི། ངས་ཆོས་རྣམས་ལ་བཤད་པ་ལ་བསླད་པ་རྣམས་ཀྱི་ཕྱིར་ཐབས་ཀྱི་ལམ་སྤྱོད་དོ། །ཆོས་སོ་ཅོག་གི་མཚན་མ་ནི། ཡང་དག་པ་གཅིག་གི་གཞུང་གི་ཤེས་རབ་བོ། །
266b2 ཇི་ལྟ་ཞེ་ན། དཔེར་ཚོང་དུས་གཅིག་ལ་སྒོ་ཆེན་པོ་བཞི་ཕྱེ་བ་དང་མཚུངས་ཏེ། སྒོ་ཆེན་པོ་བཞི་ཀུན་ནི། ཚོང་དུས་གཅིག་ལ་འདུས་ཏེ། ཕལ་མང་པོ་དེ་རྣམས་ཡིད་བཞིན་དུ་འཇུག་གོ་།
266b3 ཆོས་རྣམས་ཀྱི་རོ་བྲོ་བའང་དེ་དང་མཚུངས་སོ། །ཡ་རབས་ཚངས་པར་སྤྱོད་པས་གསོལ་པ། ཆོས་དེ་ལྟ་བུ་ལགས་ན། བདག་གིས་ཆོས་གཅིག་རོ་བྲོ་བ་ལ་གནས་ན། ཆོས་སོ་འཚལ
266b4 གྱི་རོ་བྲོ་བ་འདུས་པའི་རིགས་སོ། །སངས་རྒྱས་ཀྱིས་གསུངས་པ། དེ་ཡིན་ནོ། །ཇི་ལྟ་ཞེ་ན། གཅིག་གི་ཡང་དག་པའི་གཞུང་གི་རོ་ནི། མཚོ་ཆེན་པོ་གཅིག་དང་མཚུངས་ཏེ། ཐམས་ཅད
266b5 མང་པོ་འབབ་པ་དེར་མི་འཇུག་པ་མེད་དོ། །ཡ་རབས་ཆོས་སོ་ཅོག་གི་རོ་བྲོ་བའང་མང་པོ་འབབ་པ་དེ་དང་མཚུངས་སོ། །མིང་གྲངས་ཐ་དད་མོད་ཀྱི། ཆུར་མི་ཚུགས་པ་མེད་དོ། །མཚོ
266b6 ཆེན་པོ་ལ་གནས་ན་མང་པོ་འབབ་པ་འདུས་ཏེ། རོ་བྲོ་བ་གཅིག་ལ་གནས་པས་ནི། རོ་བྲོ་བ་ཀུན་འདུས་སོ། །ཡ་རབས་ཚངས་པར་སྤྱོད་པས་གསོལ་པ། ཆོས་ལ་རོ་གཅིག་པུ་ནི། ཇི
266b7 ལྟ་བུར་ཐེག་པ་གསུམ་གྱི་ལམ་སྟེ། དེའི་ཤེས་རབ་མཚུངས་ཞེས་བགྱི། སངས་རྒྱས་ཀྱིས་གསུངས་པ། ཡ་རབས། དཔེར་ན། ཆུ་བོ་གངྒཱ་དང་། ཧ་དང་། ཧོ་ཧེ་དང་། མཚོ་དང་མཚུངས་ཏེ།
iiif viewer powered by OpenSeadragon
