| e-texts navigator |
| Wylie |
265a1 མ་རྣམས་མེད་དོ། །ཕོ་དགེ་བ། དེ་ཆོས་དེ་ནི། རྒྱུ་ཡང་མེད་རྐྱེན་ཡང་མེད་དེ། ཤེས་རབ་རང་སྤྱོད་པའོ། །གཡོ་བའང་མེད་མི་གཡོ་བའང་མེད་དེ། སྤྱོད་པའི་ངོ
265a2 བོ་ཉིད་ཀྱིས་སྟོང་པའོ། །གཞུང་ལ་ཡོད་མེད་དོ། །སྟོང་པའི་མཚན་མའང་སྟོང་པའོ། །ཕོ་དགེ་བ་ནི། སེམས་ཅན་དེ་དག་གཞུང་དེ་ལ་རྟོགས་པར་ཆུད་པར་གྱིས་ཤིག་།གཞུང་དེ
265a3 ཆུད་ན|་ཡང་དག་པར་གཤེགས་པ་མཐོང་བ་ཡིན་ནོ། །ཤཱ་རིའི་བུས་གསོལ་པ། ཡང་དག་པར་གཤེགས་པའི་གཞུང་བརྟག་པ་ནི། འབབ་པ་རྣམས་ལ་ཆགས་ཏེ། བསམ་གཏན
265a4 བཞི་དང་བྲལ་ནས་སྤྱི་ཡོད་ལས་འདས་སོ། །སངས་རྒྱས་ཀྱིས་གསུངས་པ། དེ་ཡིན་ནོ། །ཇི་ལྟ་ཞེ་ན། ཆོས་སོ་ཅོག་གི་མིང་གི་རྣམ་གྲངས་ཏེ། བསམ་གཏན་བཞི་དེའང་དེ་དང
265a5 མཚུངས་སོ། །ཡང་དག་པར་གཤེགས་པ་མཐོང་ན། ཡང་དག་པར་གཤེགས་པའི་སེམས་རང་དབང་པས་རྟག་པར་མེད་པ་ཞི་བར་གནས་སོ། །འབྱུང་ཡང་མི་འབྱུང་། འཇུག་ཀྱང
265a6 མི་འཇུག་སྟེ། ཕྱི་ནང་མཉམ་སྙོམས་སོ། །ཕོ་དགེ་བ། དེ་བསམ་གཏན་དེ་རྣམས་ཀྱིས་བརྟགས་ན། འདུ་ཤེས་ཀུན་ཐོབ་སྟེ། མི་གཡོ་བ་མེད་པས་ཕན་ཚུན་མེད་དོ། །དེ་ཅིའི
265a7 ཕྱིར་ཞེ་ན། མི་གཡོ་བའི་ཕྱིར་རོ། །མི་གཡོ་བ་སྤྱད་དེ་མི་གཡོ་བའི་ཡང་དག་པ་ལ་བརྟགས་ན། མི་གཡོ་བའི་མཚན་མ་ལ་རྟོགས་པ་མི་མཐོང་བས་མཚན་མ་རྣམས་སྟོང་ཞིང
iiif viewer powered by OpenSeadragon
