| e-texts navigator |
| Wylie |
262b1 སྟོབས་ཀྱི་རྐྱེན་གྱིས་དེ་བཞིན་དུ་མི་གཡོ་བར་འདུག་པ་སྟེ། དེ་ནི། རྐྱེན་བཞི་ཞེས་བྱའོ། །ཕོ་དགེ་བ། དེ་ལྟ་བུ་རྐྱེན་ཆེན་པོ་བཞིའི་སྟོབས་ཀྱིས་དོན་གྱི་མཚན་མ་ལ་མི་ཆགས་ན། ངོ
262b2 བོ་མེད་པ་ཡིན་ཏེ། གནས་གཅིག་དང་བྲལ་བས་བཙལ་དུ་མི་རྙེད་དོ། །ཕོ་དགེ་བ། དེ་ལྟ་བུ་དོན་གཅིག་གིས་ནི། སྤྱད་པ་དྲུག་སྤྱད་པར་བསྡུས་ཏེ་སངས་རྒྱས་ཀྱི་བྱང་ཆུབ་ཡེ་ཤེས་ཀྱི
262b3 མཚོ་ཡིན་ནོ། །ཤཱ་རིའི་བུས་གསོལ་པ། དོན་གྱི་མཚན་མ་ལ་མ་ཆགས་ན། ངོ་སོ་མེད་པ་ལགས་ཏེ། ཆོས་ཀྱི་ཡང་དག་པའི་རྟག་སྐྱིད་ང་གཙང་ལགས། ང་གཉིས་ལས་འདས་ཏེ
262b4 མྱ་ངན་ལས་འདས་པ་ཆེན་པོ་ལགས་པས་སེམས་ཅི་ལའང་མ་ཆགས་ཏེ། མཐུ་ཆེན་པོ་ལགས་སོ། །ཞུགས་པ་དེའི་ཚོར་བའི་ནང་ན་ལམ་གྱི་ལེའུ་ཆོས་སུམ་ཅུ་རྩ་བདུན་དང་ལྡན
262b5 པའི་རིགས་སོ། །སངས་རྒྱས་ཀྱིས་གསུངས་པ། དེ་ཡིན་ནོ། །ལམ་གྱི་ལེའུའི་ཆོས་སུམ་ཅུ་རྩ་བདུན་དང་ལྡན་ནོ། །བཞི་བསམ་པའི་གནས་དང་། དྲང་པོའི་འགྲུས་པ་བཞི་དང་། ཡིད
262b6 ཀྱི་རྐང་པ་བཞི་དང་། རྩ་བ་ལྔ་དང་། སྟོབས་ལྔ་དང་། ཚོར་བ་བདུན་གྱི་ཤས་དང་། དྲང་པོ་བརྒྱད་ཀྱི་ལམ་ལ་སོགས་པ་སྟེ། མིང་མང་ལ་གཞུང་གཅིག་པས་གཅིག་ཀྱང་མི་གཅིག་།
262b7 ཐའང་མི་དད་དོ། །མིང་གིས་བགྲངས་པས་ན། མིང་དང་མཁན་དུ་ཟད་མོད་ཀྱི། ཆོས་ཐོས་པར་རུང་ངོ་། །ཆོས་ཐོབ་པར་མི་རུང་བའི་ཆོས་ནི། གཞུང་གཅིག་ལ་ཡི་གེ་མེད་དོ། །ཡི
iiif viewer powered by OpenSeadragon
