| e-texts navigator |
| Wylie |
259b1 སངས་རྒྱས་ཀྱི་བྱད་དང་། གཟུགས་ཀྱིས་སངས་རྒྱས་དང་། དེ་ལྟ་བུའི་སངས་རྒྱས་ཀྱི་གནས་ནས་བྱང་ཆུབ་གཡོས་པས་གསུམ་འདུས་པའི་ཚུལ་ཁྲིམས་ཆུད་དེ། དེའི་མཚན་མ་ལ་མི
259b2 ཆགས་པས་ཁམས་གསུམ་གྱི་སེམས་ཞིའོ། །སྟོང་པའི་ས་ལའང་མི་ཆགས་མི་གནས་ན་ཕལ་རུང་བ་མ་བཏང་སྟེ། གདུལ་བ་མེད་པའི་སར་ཞུགས་པ་བསམ་གྱིས་མི་ཁྱབ་བོ། །དེ་ནས
259b3 ཤཱ་རིའི་བུ་འདུག་པ་ལངས་ཏེ་མདུན་དུ་ཚིགས་སུ་བཅད་པ་བཤད་དོ། །ཤེས་རབ་མཚོན་ནི་ཆོག་ཅིང་ཚང་། །མྱ་ངན་འདས་མཁས་མི་ཆགས་ཏེ། །དམ་པའི་མེ་ཏོག་པདྨོ་བཞིན། །སྤོས
259b4 དོན་ལ་ནི་བྱུང་མ་ཡིན། །སངས་རྒྱས་བསྐལ་པ་གྲངས་མེད་དུ། །མྱ་ངན་འཁྲུགས་པ་ཀུན་མ་བཏང་། །འཇིག་རྟེན་བསྒྲལ་ནས་གདོད་ཐོབ་སྟེ། །པདྨོ་རྫབ་ལས་བྱུང་དང་མཚུངས། །དྲུག
259b5 སྤྱོད་པ་ཡིས་དེ་ནི། །བྱང་ཆུབ་སེམས་དཔའི་སྤྱོད་པའོ། །སྟོང་པ་གསུམ་གྱི་ཕུང་པོ་དེ། །བྱང་ཆུབ་ཀྱི་ནི་དྲང་པོའི་ལམ། །ངན་སུ་ཆགས་མེད་འཁོད་པར་བྱས། །སངས་རྒྱས་ཀྱིས་སུ
259b6 བཤད་པ་བཞིན། །འོངས་པ་ཡང་ནི་སླར་ཡང་འོངས། །ཆོག་ཅིང་གང་ནས་གདོད་འབྱུང་ངོ་། །སེམས་ཅན་རྣམ་པ་ཐམས་ཅད་ཀྱང་། །དེ་བཞིན་གཅིག་སྟེ་གཉིས་མིན་བྱས། །སླར
259b7 འོངས་པ་དང་ཕྱིས་འོངས་པ། །ཀུན་ཀྱང་དྲང་བ་ཚོར་འཛེག་བྱས། །དེ་ནས་སངས་རྒྱས་ཀྱིས་ཤཱ་རིའི་བུ་ལ་བཀའ་སྩལ་པ། བསམ་གྱིས་མི་ཁྱབ་བོ། །ཁྱོད་ཀྱིས་ཕྱིས་བྱང་ཆུབ་ཀྱི
iiif viewer powered by OpenSeadragon
