| e-texts navigator |
| Wylie |
256b1 གཟུགས་མེད་དོ། །གཟུགས་མེད་པའི་ཆོས་ལ་བླང་བ་དང་། བཏང་བ་ཅི་ཡོད། བླང་བ་མེད་པའི་སར་ཆུད་ན། གདོང་སྟོང་པ་ཉིད་དུ་ཆུད་དོ། །མཐུ་ཆེན་བྱང་ཆུབ་སེམས་དཔས་གསོལ་པ། ཇི་ལྟ
256b2 བུར་ན་སྟོང་པ་གསུམ་ཞེས་བགྱི། སངས་རྒྱས་ཀྱིས་གསུངས་པ། སྟོང་པ་གསུམ་ཞེས་བྱ་བ་ནི། སྟོང་པའི་མཚན་མའང་སྟོང་པ། སྟོང་པའི་སྟོང་པའང་སྟོང་པ། སྟོང་པའི་གནས་ཀྱང་སྟོང་པ་སྟེ། དེ་ལྟ་བུ་ལ་སོགས
256b3 པའི་མཚན་མ་གསུམ་ལ་མི་ཆགས་པས་ན། ཡང་དག་པའི་བདེན་པ་མེད་པ་མ་ཡིན་ནོ། །ཡི་གེ་དང་། ཚིག་གི་ལམ་ཆད་དེ། བསམ་གྱིས་མི་ཁྱབ་བོ། །མཐུ་ཆེན་བྱང་ཆུབ་སེམས་དཔས
256b4 གསོལ་པ། ཡང་དག་པར་བདེན་པ་མ་མཆིས་པ་མ་ལགས་ན། དེའི་མཚན་མ་མཆིས་པའི་རིགས་སོ། །སངས་རྒྱས་ཀྱིས་གསུངས་པ། མེད་པ་ནི། མེད་པ་ལ་མི་ཆགས་སོ། །མེད་པའང
256b5 མ་ཡིན། ཡོད་པའང་མ་ཡིན་ཏེ། ཡོད་པ་མ་ཡིན་པའི་ཆོས་ལ་མེད་པ་ལ་མི་ཆགས་སོ། །མེད་པ་མ་ཡིན་པའི་མཚན་མ་ནི། ཡོད་པ་ལ་མི་ཆགས་སོ། །ཡོད་མེད་ལ་གཞུང་བཤད
256b6 པ་ནི། ཐོབ་པར་མི་རུང་ངོ་། །བྱང་ཆུབ་སེམས་དཔའ་མིང་མེད་པའི་གཞུང་གི་མཚན་མ་ནི། བསམ་གྱིས་མི་ཁྱབ་བོ། །ཇི་ལྟ་ཞེ་ན། མིང་མེད་པའི་མིང་ནི་མིང་མེད་པའང་མ་ཡིན་ནོ། །གཞུང
256b7 མེད་པའི་གཞུང་ནི། གཞུང་མེད་པའང་མ་ཡིན་ནོ། །མཐུ་ཆེན་བྱང་ཆུབ་སེམས་དཔས་གསོལ་པ། དེ་ལྟ་བུའི་མིང་དང་། གཞུང་ཡང་དག་པའི་བདེན་པ་མི་གཡོ་བའི་མཚན་མ་ལགས
iiif viewer powered by OpenSeadragon
