| e-texts navigator |
| Wylie |
253a1 ལ་ཚོར་བའང་མེད་དོ། །ཅིའང་གནས་མེད་པས་ན། གཙང་གདང་སྟེ། གཙང་གདང་བ་ལ་ཁ་དོག་མེད་དོ། །ཆགས་མེད་བྱང་ཆུབ་སེམས་དཔས་གསོལ་པ། སེམས
253a2 དང་། མིག་དང་། རྣམ་པར་ཤེས་པའང་དེ་དང་མཚུངས་ཏེ། བསམ་གྱིས་མི་ཁྱབ་བོ། །སངས་རྒྱས་ཀྱིས་གསུངས་པ། སེམས་དང་། མིག་དང་། རྣམ་པར་ཤེས་པའང་དེ་དང་མཚུངས་ཏེ།
253a3 བསམ་གྱིས་མི་ཁྱབ་བོ། །ཇི་ལྟ་ཞེས་བྱ་ན། ཁ་དོག་ལ་གནས་མལ་མེད་པས་གཙང་གདང་སྟེ། མཐོང་བ་མེད་པས་ཕྱི་ལོགས་སུ་མི་འབྱུང་ངོ་། །སེམས་ལ་གནས་མལ་མེད་པས
253a4 གཙང་གདང་སྟེ། འགག་པ་མེད་དེ། ལྡང་བའི་གནས་མེད་དོ། །རྣམ་པར་ཤེས་པ་ལ་གནས་མལ་མེད་དེ། གཙང་དག་པས་གཡོ་བ་མེད་དོ། །རྐྱེན་གྱིས་དབྱེ་བ་མེད་ན། ངོ་བོ་ཉིད
253a5 སྟོང་པ་ཉིད་མི་གཡོ་སྟེ། ངོ་བོ་ཉིད་ལ་ཚོར་བ་མེད་ན། ཚོར་བས་ཚོར་བ་མེད་དོ། །ཕོ་དགེ་བས་ཚོར་བས་ཚོར་བ་མེད་པར་རིག་ན། རྣམ་པར་ཤེས་པ་རྣམས་ཞུའོ། །དེ་ཅིའི་ཕྱིར་ཞེ
253a6 ན|་རྡོ་རྗེ་ཡེ་ཤེས་ཀྱི་སར་ཆུད་དོ། །གྲོལ་ཐར་གྱི་ལམ་ཆད་དོ། །ཆད་ན། ཆགས་པ་མེད་པའི་སར་ཆུད་དེ། འབྱུང་འཇུག་མེད་དོ། །སེམས་ལ་འདུག་པ་མེད་པ་ལ་གནས་ན། ཡང
253a7 དག་པར་མི་འགྱུར་བའི་ངོ་བོ་ཉིད་ཀྱིས་ཏེ། ས་ནི། གཙང་གདང་སྟེ། བཻ་ཌཱུཪྱ་གཙང་མ་དང་མཚུངས་སོ། །ངོ་བོ་ཉིད་རྣམ་པར་མཉམ་སྙོམས་པ་ནི། ས་ཆེན་པོ་དང་མཚུངས་སོ། །ཡེ
iiif viewer powered by OpenSeadragon
