| e-texts navigator |
| Wylie |
252a1 བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ། ཕན་པ་ཅི་སྤྱད་དེ་བསྒྱུར་ལ། སེམས་ཅན་གྱི་སེམས་ཡིད་ཐམས་ཅད་བསྒྱུར་ཏེ་གཙང་དག་པའི
252a2 ཤེས་པར་ཆུད། སངས་རྒྱས་ཀྱིས་གསུངས་པ། ཡང་དག་པར་གཤེགས་པའི་སངས་རྒྱས་རྣམས་ཀྱིས་ནི། རྟག་པར་ཚོར་བ་གཅིག་སྤྱད་དེ། རྣམ་པར་ཤེས་པ་བསྒྱུར་བས་གཙང
252a3 དག་པའི་ཤེས་པར་ཆུད་དོ། །ཇི་ལྟ་ཞེ་ན། སེམས་ཅན་ཐམས་ཅད་ཕྱི་མོ་ནས་ཚོར་བས་ན། རྟག་པར་ཚོར་བ་གཅིག་སྤྱད་དེ། སེམས་ཅན་གྱི་རྣམས་ཚོར་བར་བྱས་སོ། །སེམས་ཅན
252a4 དེ་དག་ཕྱི་མོའི་ཚོར་བ་ཐོབ་པར་བྱས་ཏེ། སེམས་ཡིད་རྣམས་ཚོར་བས་སྟོང་ཞིང་མི་གཡོ་ལ་སྐྱེ་བ་མེད་དོ། །ཇི་ལྟ་ཞེ་ན། ཕྱི་མོའི་ངོ་བོ་ཉིད་ཡང་དག་པར་མི་འགྱུར་བས་ན། ཕྱི་མོ
252a5 ནས་གཡོ་བ་མེད་དོ། །ཆགས་མེད་བྱང་ཆུབ་སེམས་དཔས་གསོལ་པ། རྣམ་པར་ཤེས་པ་ཀུན་རྐྱེན་གྱི་ཁམས་ལས་ལངས་ནས་གཅིག་པུ་ཇི་ལྟ་བུར་མི་གཡོ་བར་རུང་། སངས
252a6 རྒྱས་ཀྱིས་གསུངས་པ། ཁམས་གསུམ་ཐམས་ཅད་ཀྱང་ཕྱི་མོ་ནས་སྟོང་། རྣམ་པར་ཤེས་པ་ཐམས་ཅད་ཀྱང་ཕྱི་མོ་ནས་སྟོང་པ་ལ་རྐྱེན་གྱི་རང་བཞིན་མེད་ན། ཇི་ལྟ་བུར་རྐྱེན
252a7 ལས་ལངས་ཞེས་བྱ། ཆགས་མེད་བྱང་ཆུབ་སེམས་དཔས་གསོལ་པ། ཁམས་སོ་ཅོག་སྟོང་པ་ཇི་ལྟ་བུར་མཐོང་། སངས་རྒྱས་ཀྱིས་གསུངས་པ། མཐོང་བ་ཉིད་མི་བདེན་པ་ཡིན
iiif viewer powered by OpenSeadragon
