| e-texts navigator |
| Wylie |
251a1 པའི་གནས་མ་མཆིས། འདུག་པའང་མ་མཆིས། སེམས་ཀྱང་མ་མཆིས། སེམས་ལ་སྐྱེ་བ་དང་། འདུག་པ་མ་མཆིས་ཏེ། དེ་ལྟ་བུར་འདུག་པའི་སེམས་ནི།
251a2 སྐྱེ་བ་དང་། འདུག་པ་མ་མཆིས་ལགས་སོ། །བཙུན་པ། སེམས་ལ་སྐྱེ་བ་སྤྱོད་པ་མ་མཆིས་པ་ནི། བསམ་གྱིས་མི་ཁྱབ་བོ། །བསམ་གྱིས་མི་ཁྱབ་པའི་ནང་ནི། བཤད་ཀྱིས་མི
251a3 ལང་ངོ་། །སངས་རྒྱས་ཀྱིས་གསུངས་པ། དེ་ཡིན་ནོ། །བྱང་ཆུབ་སེམས་དཔའ་སེམས་ཀྱི་རྒྱལ་པོ་བྱང་ཆུབ་སེམས་དཔས་ཚིག་དེ་ལྟ་བུ་ཐོས་ནས་ཡོད་མ་མྱོང་ཞེས་བསྟོད་དེ།
251a4 ཚིགས་སུ་བཅད་པ་བཤད་པ། ཡེ་ཤེས་ཆེན་པོ་གང་རྒྱས་བཙུན། །སྐྱེ་བ་སྤྱོད་ཆོས་རྒྱ་ཆེར་བཤད། །ཐོས་མ་མྱོང་བ་ཐོས་པར་བགྱིས། །མ་བཤད་པ་ནི་ད་བཤད་དོ། །དཔེ
251a5 རུ་ཟིལ་མངར་གཙང་མ་བཞིན། །བར་བར་གདོད་གཅིག་ལན་འགའ་འབྱུང་། །ཕྲད་པར་དཀའ་ཞིང་བསམ་པར་དཀའ། །ཐོས་པ་ཡང་ནི་ཤིན་ཏུ་དཀའ། །བླ་ན་མེད་པའི་དཔལ
251a6 ཞིང་གཤིན། །ནང་གི་མཆོག་གི་དམ་པ་སྨན། །སེམས་ཅན་རྣམས་ཀུན་བསྒྲལ་བའི་ཕྱིར། །དེ་ནི་ཀུན་ཀྱང་དགྲོལ་བཤད་དོ། །དེ་ནས་ཕལ་མང་པོའི་ནང་དུ་དེ་སྐད་བཤད
251a7 པ་ཐོས་ནས་ཀུན་གྱིས་སྐྱེ་བ་མེད་པ་དང་། མ་སྐྱེས་པའི་ཤེས་རབ་ཐོབ་བོ། །རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་ལེའུ་བཞི་སྟེ་ཕྱི་མོའི་ཚོར་བའི་ཕན་བསོད་ཀྱི་ལེའུའོ།། །།
iiif viewer powered by OpenSeadragon
