| e-texts navigator |
| Wylie |
248b1 ཆོས་ཏེ|་ཀུན་ཀྱང་སྒྱུ་མ་མི་བདེན་པ་ཡིན་ནོ། །སེམས་ཀྱི་རྒྱལ་པོ་བྱང་ཆུབ་སེམས་དཔས་གསོལ་པ། བཙུན་པ། ཇི་ལྟ་བུར་ན་མནགས་པ་མ་མཆིས། སྐྱེ་བ་མ་མཆིས་པའི་སེམས
248b2 སྒྱུ་མ་མི་བདེན་པ་ལགས་ཞེས་བགྱི། སངས་རྒྱས་ཀྱིས་གསུངས་པ། མནགས་པ་མེད། སྐྱེ་བ་མེད་པའི་སེམས་ཞེས་བྱ་བ་ནི། སེམས་ལ་གཟུང་བ་དང་། མཚན་མ་མེད་དེ། དཔེར་ན།
248b3 མེའི་རང་བཞིན་དང་མཚུངས་ཏེ། ཤིང་གི་ནང་ན་འདུག་མོད་ཀྱི། ཡལ་ག་ལ་འདུག་པའི་གནས་མེད་དོ། །རང་བཞིན་མི་འགྱུར་ཡང་དག་ན། མིང་དང་མཁན་ཡོད་དུ་ཟད་ཀྱི། རང
248b4 བཞིན་བཙལ་དུ་མི་རྙེད་དོ། །དེའི་གཞུང་བརྗོད་པའི་ཕྱིར་མིང་བརྙན་མ་བཤད་ན། མིང་རྙེད་པར་མི་རུང་ནས་སེམས་ཀྱི་མཚན་མའང་དེ་བཞིན་ཏེ། གནས་མི་མཐོང་ངོ་། །སེམས
248b5 དེ་ལྟ་བུ་ཡིན་པར་རིག་ན། གདོད་སྐྱེ་བའི་སེམས་མེད་དོ། །ཕོ་དགེ་བའི་སེམས་དེའི་རང་བཞིན་གྱི་མཚན་མ་ནི། ཤིང་ཏོག་ཨ་མ་ལི་ཀ་དང་མཚུངས་ཏེ། ཕྱི་མོ་རང་ལས་ཀྱང་མ་སྐྱེས།
248b6 གཞན་ལས་ཀྱང་མ་སྐྱེས། ཕྱི་ལས་ཀྱང་མ་སྐྱེས། རྒྱུ་རྐྱེན་མཆེད་ལས་སྐྱེས་པའང་མ་ཡིན། སྐྱེ་བའང་མེད། ཇི་ལྟ་ཞེ་ན། རྐྱེན་བརྗེས་ཤིང་འདས་པའི་ཕྱིར་རོ། །རྐྱེན་གཡོས་པའང་སྐྱེ
248b7 བ་མེད|་རྐྱེན་འདས་པ་ལ་ཞི་བ་མེད་དེ། མངོན་པ་དང་། མི་མངོན་པའི་མཚན་མ་མེད་དོ། །ཕྱི་མོ་གཞུང་སྟོང་ཞིང་ཞི་སྟེ། མེད་པའི་གནས་ན་འདུག་པས་འདུག་པའི་གནས་སུ་མི
iiif viewer powered by OpenSeadragon
