| e-texts navigator |
| Wylie |
246b1 ལགས་སམ། སངས་རྒྱས་ཀྱིས་གསུངས་པ། ཕོ་དགེ་བ། ངས་བཤད་པའི་ཕ་རོལ་ཏུ་ཕྱིན་པ་དྲུག་ནི། མཚན་མའང་མེད། བྱ་བའང་མེད་དོ། །དེ་ཅིའི་ཕྱིར་ཞེ་ན། འདོད་དང་བྲལ་བར
246b2 འཇུག་པ་མཁས་པས་སེམས་རྟག་པར་གཙང་དག་སྟེ། བདེན་པའི་ཚིག་གིས་ཐབས་སྤྱད་པས་བདག་ལའང་ཕན། གཞན་ལའང་ཕན་ཏེ། དེ་ནི། སྦྱིན་པའི་ཕ་རོལ་ཏུ་ཕྱིན་པ་ཡིན
246b3 ནོ|་|སེམས་དག་པ་ནས་སྲན་ཐུབ་ཅིང་སེམས་རྟག་པར་གནས་པ་མེད་ལ། གཙང་གདང་ལ་གོས་པ་མེད་ཅིང་ཁམས་གསུམ་ལ་མ་ཆགས་ན། དེ་ནི། ཚུལ་ཁྲིམས་ཀྱི་ཕ་རོལ་ཏུ་ཕྱིན
246b4 པ་ཡིན་ནོ། །སྟོང་པ་སྤྱད་དེ་མདུད་པ་བཅད་ལ་ཡོད་པ་རྣམས་ལ་མི་རྟེན་ན། ལས་གསུམ་སྟོང་མི་གཡོ་སྟེ། ལུས་དང་སེམས་ལའང་མི་ཆགས་ན། དེ་ནི། བཟོད་པའི་ཕ་རོལ་ཏུ་ཕྱིན་པ
246b5 ཡིན་ནོ|་|མིང་གིས་བགྲང་བ་ཡོངས་སུ་བྲལ་ལ་སྟོང་པ་དང་། ཡོད་པར་མཐོང་བ་བཅད་དེ། ཕུང་པོའི་སྟོང་པར་ཟབ་ཏུ་ཞུགས་པ་དེ་ནི། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡིན་ནོ། །སྟོང
246b6 པ་དང་། མི་གཡོ་བ་གཉིས་ཁ་དོག་དང་བྲལ་ལ་སྟོང་པའོ་ཅོག་ལ་མ་ཆགས་ཏེ། སེམས་འཇུག་པ་མེད་པའི་སྟོང་པ་ཆེན་པོ་ལ་གནས་པ་དེ་ནི། བསམ་གཏན་གྱི་ཕ་རོལ་ཏུ་ཕྱིན་པ
246b7 ཡིན་ནོ|་|སེམས་ལ་སེམས་ཀྱི་འདུ་ཤེས་མེད་དོ། །སྟོང་པ་ལ་མི་ཆགས། སྤྱོད་དོ་ཅོག་ལ་མི་སྐྱེ། སྟོང་ཞིང་ཞི་བར་ཡང་མི་གནས། སེམས་ལ་འབྱུང་འཇུག་ཀྱང་མེད་དོ། །ངོ་བོ
iiif viewer powered by OpenSeadragon
