| e-texts navigator |
| Wylie |
246a1 པ་ལ་གནས་སོ། །གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ། ཇི་ལྟ་བུར་ན་སེམས་མ་མཆིས་པ་ལ་གནས། ཆོས་མ་མཆིས་པ
246a2 ལ་གནས་ཞེས་བགྱི། སངས་རྒྱས་ཀྱིས་གསུངས་པ། སེམས་མ་སྐྱེས་ན། སེམས་མེད་པ་ལ་གནས་པ་ཡིན་ནོ། །ཕོ་དགེ་བ། སེམས་ཀྱི་ཆོས་མ་སྐྱེས་ན། གནས་ཤིང་རྟེན་པའང
246a3 མེད་དོ|་|སྤྱོད་པའོ་ཅོག་ལ་མ་ཆགས་ན། སེམས་རྟག་པར་སྟོང་ཞིང་མི་གཡོ་སྟེ། ཐ་དད་པའི་སེམས་མེད་དོ། །དཔེར་ན། ནམ་མཁའ་དང་མཚུངས་ཏེ། གཡོ་བ་དང་འདུག་པ་མེད།
246a4 སྡང་བ་མེད། བྱ་བ་མེད། ཕན་ཚུན་མེད་དེ། སྟོང་པའི་སེམས་ཀྱི་མིག་ཐོབ། སྟོང་པའི་ཆོས་ཀྱི་ལུས་ཐོབ་པས་ལྔ་ཕུང་དང་། ཞུགས་པ་དྲུག་ཀུན་སྟོང་ཞིང་མི་གཡོ་བའོ། །ཕོ་དགེ་བ།
246a5 སྟོང་པའི་ཆོས་སྤྱོད་པ་ནི། ཁམས་གསུམ་ལ་མི་རྟེན། ཚུལ་ཁྲིམས་ཀྱི་མཚན་མ་ལའང་མི་ཆགས་ལ། གཙང་དག་ལ་སེམས་མེད་པས་བསྡུ་བའང་མེད། གཏང་བའང་མེད་དེ། ངོ་བོ
246a6 ཉིད་རྡོ་རྗེ་དང་མཚུངས་པས་དཀོན་མཆོག་གསུམ་མི་ཞིག་སྟེ། སྟོང་པའི་ཆོས་རྣམས་མི་གཡོ་བས་ཕ་རོལ་ཏུ་ཕྱིན་པ་དྲུག་དང་ལྡན་ནོ། །གྲོལ་ཐར་བྱང་ཆུབ་སེམས་དཔས་སངས
246a7 རྒྱས་ལ་གསོལ་པ། བཙུན་པ། ཕ་རོལ་ཏུ་ཕྱིན་པ་དྲུག་ནི། ཀུན་ཀྱང་མཚན་མ་མ་མཆིས་པ་ལགས་ན། མཚན་མ་མ་མཆིས་པའི་ཆོས་ཀྱིས་འཇིག་རྟེན་ལས་ཕྱིན་པར་ནུས
iiif viewer powered by OpenSeadragon
