| e-texts navigator |
| Wylie |
245a1 གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ། ཇི་ལྟ་བུར་ན་ལྡང་དུབ་ཀྱི་སེམས་ཀྱིས་མཚན་མར་ཤེས་པར་རུང་། སངས་རྒྱས་ཀྱིས་བཀའ
245a2 སྩལ་པ|་བྱང་ཆུབ་སེམས་དཔའ་གཞུང་ལ་ནི། རུང་བ་དང་། མི་རུང་བའང་མེད་དོ། །རུང་བ་དང་། མི་རུང་བའང་ཡོད་དུ་ཟིན་ན་ནི། སེམས་སོ་ཅོག་སྐྱེས་ནས་སྟོང་ཞིང་ཁྲིའི་བསམ
245a3 པ་གཡོས་ཏེ། དེ་ནི། ལྡང་དུབ་ཀྱི་གཟུགས་ཡིན་ནོ། །བྱང་ཆུབ་སེམས་དཔས་ཕྱི་མོའི་ངོ་བོ་ཉིད་ཀྱི་མཚན་མ་ལ་བརྟགས་ན། གཞུང་རང་གང་རྒྱས་སོ། །སྟོང་བསམ་ཁྲི་མནོས་ཀྱང
245a4 ལམ་གྱི་གཞུང་ལ་མི་ཕན་ཏེ། གཡོས་ཤིང་དཀྲུགས་པས་སེམས་ཀྱི་ཕྱི་མོ་བདག་པོ་སྟོར་བར་གྱུར་ཏོ། །བསམ་ཞིང་མནོ་བ་མེད་ན། ལྡང་དུབ་ཀྱང་མི་སྐྱེ་སྟེ། ཡང་དག་པ
245a5 བཞིན་དུ་མི་གཡོའོ། །རྣམ་པར་ཤེས་པ་རྣམས་བདེ་ཞིང་སྟོང་ན། འབབ་ཅིང་འཁོར་བར་མི་སྐྱེ་སྟེ། གཙང་མའི་ཆོས་ལྔ་ཐོབ་བོ། །དེ་ནི། ཐེག་པ་ཆེན་པོ་ཡིན་ཏེ། བྱང་ཆུབ
245a6 སེམས་དཔའི་ཆོས་གཙང་མ་ལྔར་ཞུགས་ན། སེམས་ལ་མི་བདེན་པ་མེད་དོ། །མི་བདེན་པ་མེད་ན། གདོད་ཡང་དག་པར་གཤེགས་པའི་རང་གིས་ཚོར་བའི་འཕགས་པའི་ཡེ
245a7 ཤེས་ཀྱི་སར་ཆུད་དོ། །ཡེ་ཤེས་ཀྱི་སར་ཆུད་པ་ནི། ཐམས་ཅད་ཕྱི་མོ་ནས་མི་སྐྱེ་བར་མཁས་པར་རིག་པར་བྱ་སྟེ། ཕྱི་མོ་ནས་མི་སྐྱེ་བར་རིག་ན། གདོད་མི་བདེན་པའི་སེམས
iiif viewer powered by OpenSeadragon
