| e-texts navigator |
| Wylie |
244a1 སེམས་སྐྱེས་ན་ནི། ཞི་བའི་རང་བཞིན་ཡང་ཞི་བར་བྱའོ། །སེམས་ཞི་ན་ནི། སྐྱེ་བའི་རང་བཞིན་ཡང་ཞི་བར་བྱའོ། །མཐོང་བའི་རང་བཞིན་དེ་ཞི་ན། གདོད་ཡང
244a2 དག་པའི་དབྱིངས་སུ་ཞུགས་སོ། །དེ་ཅིའི་ཕྱིར་ཞེ་ན། ཕྱི་མོ་ནས་སྐྱེ་བ་མ་ཞིའོ། །མ་ཞི་མ་སྐྱེས་ན། མི་སྐྱེ་མི་ཞི་སྟེ། ཆོས་སོ་ཅོག་ཀྱང་དེ་བཞིན་ནོ། །གྲོལ་ཐར་བྱང་ཆུབ་སེམས་དཔས
244a3 ཡང་སངས་རྒྱས་ལ་གསོལ་པ། བཙུན་པ། སེམས་ཅན་ལ་ལས་ཆོས་སྐྱེ་བར་མཐོང་བའི་ཚེ་མཐོང་བ་གང་ཞི་བར་བགྱི། སངས་རྒྱས་ཀྱིས་བཀའ་སྩལ་པ། བྱང་ཆུབ་སེམས་དཔའ་ལ
244a4 ལས་ཆོས་སྐྱེ་བར་མཐོང་བའི་ཚེ་ཡོད་པར་མཐོང་བའང་ཞི་བར་བྱའོ། །ཆོས་ཞི་བར་བྱ་བ་མཐོང་བའི་ཚེ་ཡོད་པར་མཐོང་བའང་ཞི་བར་བྱའོ། །མཐོང་བ་ཞི་ན། མེད་པ་ཡང་དག་པའི
244a5 ཆོས་ཐོབ་སྟེ། མི་འགྱུར་བའི་ངོ་བོ་ཉིད་དུ་ཞུགས་ནས་མི་འགྱུར་བ་ལ་སྐྱེ་བ་མེད་དོ། །གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ། སེམས་ཅན་དེ
244a6 དག་གར་སྐྱེ་བ་མ་མཆིས་པ་ལ་གནས་པར་བགྱིས་ན། དེ་དེའི་སྐྱེ་བ་མ་མཆིས་པ་ལགས་སམ། སངས་རྒྱས་ཀྱིས་བཀའ་སྩལ་པ། སྐྱེ་བ་མེད་པ་གནས་པ་ཉིད་ནི། སྐྱེ་བ་མ་ཡིན
244a7 ནོ|་|དེ་ཅིའི་ཕྱིར་ཞེ་ན། གནས་པའང་མེད། སྐྱེ་བའང་མེད་ན། གདོད་སྐྱེ་བ་མེད་པ་ཡིན་ནོ། །བྱང་ཆུབ་སེམས་དཔའ་སྐྱེ་བ་དང་། སྐྱེ་བ་མེད་པ་སྐྱེ་བ་སྤྱད་པས་སྐྱེ་བའི་སེམས
iiif viewer powered by OpenSeadragon
