| e-texts navigator |
| Wylie |
243b1 གཟུགས་དང་མཚན་མ་མཆིས་ན། ཇི་ལྟར་སྤྱད་སྦྱངས་ན་ཕྱི་མོའི་སེམས་སྟོང་པ་ཐོབ་པར་རུང་བ་སངས་རྒྱས་ཀྱི་བྱམས་པའི་ཐུགས་དང་བདག་ལ་དགྲོལ་ཞིང་བཤད་པར་བསྟན་ཏོ། །སངས
243b2 རྒྱས་ཀྱིས་གསུངས་པ། བྱང་ཆུབ་སེམས་དཔའ་སེམས་སོ་ཅོག་གི་མཚན་མ་ནི། ཕྱི་མོ་ནས་ཕྱི་མོ་མེད་དོ། །ཕྱི་མོ་ནས་ཕྱི་མོའི་གནས་མེད་དེ། སྟོང་ཞིང་མི་གཡོ་ལ་སྐྱེ་བ་མེད་དོ། །སེམས
243b3 ལ་སྐྱེ་བ་མེད་ན། གདོད་སྟོང་པ་མི་གཡོ་བར་ཞུགས་པའོ། །སྟོང་པ་མི་གཡོ་བའི་སེམས་ཀྱིས་ནི། སྐྱེས་བུ་མེད་བཞིན་སེམས་སྟོང་པ་ཐོབ་བོ། །ཕོ་དགེ་བ། མཚན་མ་མེད་པའི་སེམས་ལ
243b4 ནི|་སེམས་ཀྱང་མེད། ང་ཡང་མེད། ཆོས་སོ་ཅོག་གི་མཚན་མ་ནི། དེ་དང་མཚུངས་སོ། །གྲོལ་ཐར་བྱང་ཆུབ་སེམས་དཔས་སངས་རྒྱས་ལ་གསོལ་པ། བཙུན་པ། སེམས་ཐམས་ཅད
243b5 ལ་ང་ཡོད་པ་དང་། སེམས་ཡོད་པ་ཆོས་གང་སྤྱད་པས་ཚོར་ཏེ། སེམས་ཅན་དེ་དག་བཅིངས་པ་འདི་ལས་འབྱུང་ཞིང་འབྲལ་བར་བགྱི། སངས་རྒྱས་ཀྱིས་གསུངས་པ། སྐྱེས་བུ་ཕོ་དགེ
243b6 བ|་ང་ཡོད་པ་ནི། རྒྱུ་རྐྱེན་བཅུ་གཉིས་ལ་བརྟག་ཏུ་བཅུག་ན། རྒྱུ་རྐྱེན་བཅུ་གཉིས་ནི། ཐོག་མ་དང་། རྒྱུ་དང་། འབྲས་བུ་ལས་བྱུང་ངོ་། །རྒྱུ་དང་། འབྲས་བུའི་གཡོ་བ་ནི། སེམས་ཀྱི
243b7 སྤྱོད་པ་ལས་ལངས་ཏེ་སེམས་ཀྱང་མེད་ན། ལུས་མེད་པ་ལྟ་སྨོས་ཀྱང་ཅི་དགོས། ང་ཡོད་ན་ནི། མཐོང་བ་ཡོད་པའང་ཞི་བར་བྱའོ། །ང་མེད་ན་ནི། མཐོང་བ་མེད་པའང་ཞི་བར་བྱའོ། །
iiif viewer powered by OpenSeadragon
